Te pahono ra te Bibilia
Eaha te a muri aˈe o te huitaata?
E nafea te pohe o Iesu e tauturu ai i te taata atoa ia tâuˈa ia vetahi ê?
E faatupu noa iho â te mau aivanaa i te mau ohipa apî. Na ratou anei râ e tauturu i te taata atoa ia haapao te tahi i te tahi? Eita. I teie mahana, ua arataihia te rahiraa e te miimii e te nounou. E opuaraa maitai aˈe râ ta te Atua no te huitaata.—A taio i te Petero 2, 3:13.
Te faataahia ra i roto i te Parau a te Atua i te tupu a muri aˈe ia here te taata atoa te tahi i te tahi. Eita e ite-faahou-hia te peapea e eita atoa hoê e haamauiui i te tahi atu.—A taio i te Mika 4:3, 4.
E nafea te huru miimii e faaorehia ˈi?
Aita te Atua i poiete i te taata matamua e te tahi noa ˈˈe huru miimii. I to ˈna râ faaotiraa i te faaroo ore i te Atua, riro atura oia ei taata tia ore. Na ˈna i tutuu mai i te huru miimii. E faaohipa râ te Atua ia Iesu no te tauturu i te huitaata ia riro faahou ei feia tia roa.—A taio i te Roma 7: 21, 24, 25.
Ia au i te hinaaro o te Atua, ua horoa Iesu i to ˈna ora ei tusia e ia faaorehia te faahopearaa ino o te faaroo ore o te taata matamua. (Roma 5:19) Na roto ia Iesu, e a muri aˈe faahiahia to te taata ia faaorehia te huru miimii e turai ra ia rave i te ino.—A taio i te Salamo 37:9-11.
E au atoa outou . . .
TE PARE TIAIRAA
Te mau parau fafau o te fatata roa i te tupu
E rave rahi parau tohu Bibilia tei tupu aˈena. Te vai ra râ no nia i to tatou a muri aˈe.
TE PARE TIAIRAA
Fatata te Atua i te faaore roa i te mau mauiui atoa
Nafea tatou e ite ai e fatata roa te Atua i te faaore i te mau mauiui atoa e te ohipa parau-tia ore?
