Кижилерни черге кезээ-мөңгеде чурттаар деп буянныг медээни Библияда бижээн (Ырлар 36:29). Библия 66 бичии номнардан тургустунган. Ону Бурганга бердинген 40 хире эр улус бижээн. Бирги беш номну Моисей медээчи 3500 хире чыл бурунгаар бижип каан. Сөөлгү номну 1900 чыл ажыг бурунгаар Иоанн элчин бижээн. Библияда кымның бодалдары бижиттингенил? Бурган бараалгакчыларынга медээни ыдыктыг сүлдезин таварыштыр дамчыдып турган (2 Хааннар 23:2). Олар бодунуң эвес, а Бурганның бодалдарын бижип турганнар. Ынчангаш Библияның Автору — Иегова Бурган. (Номчуптуңар: 2 Тимофейге 3:16; 2 Пётр 1:20, 21.)

 «Библияның Автору кымыл?» деп видеороликти көрүңер.

 Библия — Бургандан ном, чүге дизе ында келир үени шынныы-биле болгаш дыка тодаргайы-биле баш удур бижээн. Чаңгыс-даа кижи ону кылып шыдавас (Иисус 23:14). Кижи төрелгетенниң келир үезин чүгле Бүрүн Күчүлүг Бурган ылап шынныы-биле баш бурунгаар чугаалап шыдаар. (Номчуптуңар: Исайя 42:9; 46:10.)

 Библия Бургандан ном болганда катаптаттынмас дың чаңгыс деп бодаары чөп. Амгы үеге чедир Библия миллиард-миллиарды-биле 100-100 дылдарда парлаттынган. Эрте-бурунгу-даа болза, ол номда эртем талазы-биле карышкак чок. Солун чүүл, 40 кижиниң бижээн номнары аразында дүгжүп турар *. Библияда бижээн бүгү чүүлдер Бурганның ынакшылы-биле бүргеттинген, база ол ном амдыгаа чедир кижилерниң чуртталгазын эки талаже өскертиптер күштүг. Бо бүгүнү көргеш, сая-сая улус Библия — Бурганның Сөзү-дүр дээрзинге шынзыгып турар. (Номчуптуңар: 1 Фессалоникчилерге 2:13.)

 «Библия — Бургандан ном деп, кайыын билир бис?» деп видеороликти көрүңер.

 Бурган кижилерге ынакшылдыы-биле кайгамчыктыг келир үени белеткеп каан деп буянныг медээ Библияда кол черни ээлеп турар. Төөгүнүң эң эгезинде кижилер черге дываажаңга чурттаар аргазын канчаар чидирип алганын база келир үеде дываажаң катап тургустунарын Бурганның Сөзүнде бижээн. (Номчуптуңар: Ажыдыышкын 21:4, 5.)

 Библияда хоойлулар, дүрүмнер, сүмелер база бердинген. Оон аңгыда Бурганның шынарларын ажыткан төөгүлерни хөйү-биле ында бижээн. Бо бүгү чүүл, Чаяакчывыс-биле эки таныжып алырынга дузалап турар. Канчаар Бурганның өңнүү апарып болурун Библияда тайылбырлаан. (Номчуптуңар: Ырлар 18:8, 12; Иаков 2:23; 4:8.)

 Библияны билип алырынга силерге бо брошюра дузалаар. Ында Иисус Христостуң ажыглап чораан аргазын ажыглаан. Ол Ыдыктыг Бижилгениң аңгы-аңгы шүлүктерин чугаалааш, оларны тайылбырлап турган. (Номчуптуңар: Лука 24:27, 45.)

 Бурганның буянныг медээзинден артык кайгамчыктыг чүү-даа чок! Ындыг-даа болза, чамдык улус ону херекке албас, а чамдыызы ону дыңнааш, безин шугулу хайныр. Ынчалза-даа силер аңаа торулбаңар. Чүге дээрге силерниң мөңге амыдыралыңар Бурганның дугайында билиглерни ап турарыңардан хамааржыр болгай. (Номчуптуңар: Иоанн 17:3.)