6 КИЧЭЭЛ
Чок апарган улуска кандыг идегел барыл?
1. Чок апарган улусту чүү манап турарыл?
Иисус Иерусалим чоогунда Вифания суурга чедип кээрге, эжи Лазар аарааш, чок апаргандан бээр дөрт хүн эрткен болган. Оон ол Лазарны хөөржүдүп каан чевег-куйже Мария, Марфа угбашкылар-биле кады чорупкан. Аңаа удатпаанда хөй улус чыглып келген. Иисус Лазарны диргизиптерге Марфа биле Мария кайы хире амыраанын, чүгле бодап көрүңер даан! (Номчуптуңар: Иоанн 11:21—24, 38—44.)
Марфа өлген улус дирлип кээр деп бүзүреп чораан. Оларны чер кырында чуртталгаже Иегова катап эгидер деп ол билир турган. (Номчуптуңар: Иов 14:14, 15.)
2. Чок апарган улустуң байдалды кандыгыл?
Бурган Адамга мынча дээн: «Довурак-доозундан тывылган сен, довурак-доозунче катап-ла шилчий бээр сен» (ЭГЕ ДӨС 3:19).
Кижи «черниң довураандан» чаяаттынган (Эге дөс 2:7; 3:19). Кижилер —көзүлбес мага-боттуг чаяалгалар эвес-тир. Бис эът-боттуг чаяалгалар болганывыста, кижиниң кандыг-даа кезээ өлүм соонда чурттап шыдавас. Кижи чок апаарга, мээзи база өлүр, а шупту бодалдары чиде бээр. Лазар дирлип келгеш, өлүм соонда чуртталга дугайында чүнү-даа чугаалаваан, чүге дизе өлүм соонда чуртталга чок. (Номчуптуңар: Экклесиаст 9:5, 6, 10.)
Бурган кижилерни алдыы оранда хилинчектеп турар бе? Өлген улус чүнү-даа миннивес деп Библияда чугаалаан. Ынчаарга, алдыы оранда от дугайында өөредиг меге. Ол өөредиг Бурганны шын эвес кылдыр көргүскен. Кижилерни хилинчектээр деп бодал безин Бурганга бужар-чүдек. (Номчуптуңар: Иеремия 7:31.)
«Чок апарган улустуң байдалы кандыгыл?» деп видеороликти көрүңер.
3. Өлген улус бис-биле чугаалажып шыдаар бе?
Өлген улустар чугаалап-даа, дыңнап-даа шыдавас (Ырлар 113:25). Ынчалза-даа өлген кижиниң орнунга чугааланып болур каржы буктар бар (2 Пётр 2:4). Ынчангаш Иегова өлген улусту кыйгырарын хоруп турар. (Номчуптуңар: Ыдыктыг хоойлуну катаптааны 18:10, 11.)
4. Кымнарны диргизерил?
Сая-сая кижилер дирлип кээр. Бурганның дугайында билбес, шын эвес алдынар чораан кижилер безин чуртталгаже эглип кээр. (Номчуптуңар: Лука 23:43, Чаа делегейниң очулгазы; Ажыл-чорудулга 24:15.)
Бурганның дугайында алыс шынны билип алырынга база Иисуска бүзүрелин көргүзер арга дирлип келген улуска турар (Ажыдыышкын 20:11—13). Олар шын алдынар болза, черге дываажаңга мөңге чурттаар. (Номчуптуңар: Иоанн 5:28, 29.)
5. Иегованың өлген кижилерни диргизер дээн күзели Ооң дугайында чүнү ажыдып турарыл?
Бурган Оглун черже бис дээш амы-тынын бериптер кылдыр чорутканының ачызында диргизиишкин болдунар апарган. Иегованың өлген улусту диргизер күзели Ооң өндүр улуг ынакшылын болгаш буянын илередип турар. Өлген улус чуртталгаже эглип кээрге, бир дугаарында кымга ужуражырын күзээр силер? (Номчуптуңар: Иоанн 3:16; Римчилерге 6:23.)
