Шугадӟонъёс азьланезлы оскон сёто

«Берпум аръёсы секыт дыръёс вуозы» (2 ТИМОФЕЙЛЫ 3:1).

ТӤЛЯД кылэмды вань, дыр, одӥгез ке но улӥын верам шугадӟон сярысь, оло нош, асьтэос но соин пумиськиды.

● Паськыт вӧлмем висён трос адямиослэсь улонзэс нуиз.

● Сютэм улэмен сэрен, трос сю адямиос кулӥзы.

● Кышкыт музъемзурканэн сэрен, трос сюрс адямиос бырыны шедизы но тросэз улон интытэк кылизы.

Вуоно статьяосын верамын, кыӵе секыт бервылъёсы вутто та выллем шугадӟонъёс. Озьы ик отын гожтэмын, вань та шугадӟонъёс луозы шуыса вакытэ, кудӥз Библиын «берпум аръёсын» нимамын.

Та статьяос гожтэмын ӧвӧл, возьматон понна, ми улӥськомы шуыса дуннеын, кудӥз шуг-секытъёсын тырмемын. Тӥ асьтэос но сое адӟиськоды, дыр. Та статьяос гожтэмын, тӥледлы азьланезлы оскон сётон понна. Отын гожтэмын Библиысь куать азьпалзэ ивортонъёс, кудъёсыз возьмато, ми берпум аръёслэн пумазы улӥськомы шуыса. Но куд-ог адямиос соин соглаш ӧвӧл. Со сярысь, мар соос верало солы пумит, озьы ик лыдӟыны быгатоды та статьяосысь. Со сяна, вуоно статьяосын валэктэмын, малы ми оскыны быгатӥськомы, улон умой пала воштӥськоз шуыса.