Vokuenda kuotembo yimue kosimbu, Suku wa ecelele okuti ulume o kuata akãi valua. (Efetikilo 4:19; 16:1-4; 29:18–30:24) Pole, Suku hayeko wa sovola oluvale. Eye wa ecele lika ukãi umosi ku Adama.

 Suku wa eca omoko ku Yesu Kristu yoku tumbulula ocihandeleko caye catete catiamẽla koku kuata lika ukãi umosi. (Yoano 8:28) Eci Yesu vo pula catiamẽla kolohuela, wa popia hati: “Ka wa tangeli okuti kefetikilo usovoli wa va lulika ulume lukãi? Kuenda wamisako vali hati, Oco ulume o sia isiaye la inaye, o likakatela lukãi waye, kuenje kavali kavo va linga etimba limuamue.”—Mateo 19:4, 5.

 Noke umue pokati kolondonge via Yesu, wa vetiyiwa la Suku oku soneha hati: “Ulume a kale lukãi waye muele, kuenda ukãi a kale la veyaye muẽle.” (1 Va Korindo 7:2) Embimbiliya li lombololavo okuti, ulume wosi ohueli okuti wa tambula ovikele vekongelo Liakristão, o sukila oku kuata lika ‘ukãi umuamue.’—1 Timoteo 3:2, 12.