Olosamo 85:1-13
Kusongui wolonjimbi. Osamo yomãla va Kora.+
85 A Yehova, ove wa lekisa ohenda kofeka yove;+Wa nena vali vana va Yakoba vambatiwile kumandekua.+
2 Ove wa ecela akulueya vomanu vove;Wa ecela* akandu avo osi.+ (Sela)
3 Ove wa likandangiya konyeño yove yosi;Wa tiula onyeño yove ya tokota.+
4 Tu tumbulule,* A Suku yepopelo lietu,Kuenda siapo onyeño o tu kuetele.+
5 Anga hẽ o ka tema letu otembo ka yi pui?+
O kamamako lonyeño yove tunde kocitumbulukila toke kocitumbulukila?
6 Anga hẽ ku tu muisa vali omuenyoOco omanu vove va sanjuke mekonda liove?+
7 A Yehova, lekisa ocisola cove ka ci pongoloka kokuetu,+Kuenda tu muise epopelo liove.
8 Ame ndi ka yevelela eci Suku yocili Yehova a popia,Momo eye o ka sapuila ombembua komanu vaye,+ ku vana vo kolela,Pole, ovo ka va ka likolele vali ovo muẽle.+
9 Ocili, epopelo liaye li kasi ocipepi la vana vo sumbila,+Oco ulamba waye u tunge vofeka yetu.
10 Ocisola ka ci pongoloka lekolelo, vi ka li sanga pamosi;Esunga kuenda ombembua vi ka li sipuila pamosi.+
11 Ekolelo li ka tunda osongo kilu lieve,Kuenda esunga li ka vanja posi oku upisa kovailu.+
12 Ocili, Yehova o ka eca eci ciwa,*+Kuenda ofeka yetu yi ka ima ovaima ao.+
13 Esunga li ka endela kovaso aye+Kuenda li ka lingila olongenda viaye onjila yimue.
