Olosapo 1:1-33
1 Olosapo via Salomone+ omõla a Daviti+ haeye soma yo Isareli:+
2 Olosapo evi via sonehiwa oco omunu a kũlĩhe olondunge+ lepindiso;Oco a kuate elomboloko liolondaka violondunge;
3 Oco a tambule epindiso+ li eca olondunge,Lesunga,+ luloño woku nõla eci ca sunguluka+ kuenda oku suñama;*
4 Oco viece olondunge+ ku vana va kamba olondunge;Oco viece kumalẽhe ukũlĩhĩso kuenda uloño woku sokolola.+
5 Omunu ukualondunge o yevelela kuenda o tambula epindiso lialua;+Omunu o kuete elomboloko o tambula olonumbi* vi tunda komunu wa loñoloha,+
6 Oco a kuate elomboloko liolusapo kuenda liondaka yalupolo,Lolondaka viukualondunge kuenda alumbu ao.+
7 Oku kuatela Yehova esumbilo liocili, oco efetikilo liukũlĩhĩso.+
Aveke, ovo lika va pembula olondunge kuenda epindiso.+
8 Amõlange, yevelela kepindiso lia isiove,+Kuenda ku ka yanduluke onumbi* ya ina yove.+
9 Ovio vi kasi ndekolowa lia fina kutue wove+Kuenda ndomota ya fina posingo yove.+
10 Amõlange, nda vakuakandu va seteka oku ku yonja, ku ka tave.+
11 Nda ovo va popia vati: “Enju kumue letu,Tu lavekeli vonutula oco tu pesele osonde,Tu salami loku lavekela omanu ka va kuete eko, oco tu papale,
12 Tu ka va ina lomuenyo ndeci Onjembo* yi linga,Tu ka va ina olungunge ndava va kupukila vocitunu,
13 Tu pundi ovokuasi avo osi a velapo;Tu ka yukisa olonjo vietu lovina via pundiwa,
14 O sukila oku likongela letu,*Kuenje etu vosi tu litepela ovina tua nyana vonjongo yimuamue,”*
15 Amõlange, ku ka va kuame.
Olomãhi viove vi kale ocipãla lonjila yavo,+
16 Momo olomãhi viavo vi lupukila koku linga evĩho;Ovo va yayulako oku pesela osonde.+
17 Ocili okuti, ci linga elivova oku kapela onjila yimue ociliva osimbu oyo yi vanja.
18 Eli olio esunga lieci ovo va lavekelela vonutula oco va pesele osonde;Ovo va salama oco va linge cĩvi vakuavo.
19 Evi ovio olonjila via vana va sanda oku tambula ovitukiko,Kuenje eci ci ka va kokela oku pumba omuenyo wavo.+
20 Olondunge viocili,+ vi kalukila vokololo.+
Ovio vi votuila ondaka povitumãlo omanu va liongoluila.+
21 Olondunge vi kalukila pavindi* olokololo muli onjuela yalua.
Puvelo wolombundi violupale, vi popia viti:+
22 “Ene wa kambi olondunge, toke pi vu kakatela kekambo liene liolondunge?
Ene a vakuakupembula, toke pi vu ka sanjukila oku pembula?
Ene aveke, toke pi vu ka suvuka ukũlĩhĩso?+
23 Tavi kelungulo liange.*+
Ndi ka eca kokuene olondunge;*Ndi ka vu kuatisi oku kuata elomboloko liolondaka viange.+
24 Momo ame nda vilikiya, pole, ene wa likali oku yevelela,Ndolõla eka liange, pole, lomue wa tiamisilako utima,+
25 Wamamiko oku pembula alungulo ange osiLoku likala elungulo liange,
26 Eci efengi li ku veti, ame ndi ka vu yolivo;Ndi ka vu yoli epembe eci ovina vu kueteli usumba vi keya,+
27 Eci ovina vu kueteli usumba viya ndehunguhungu limue,Kuenda efengi liene liya ndofela yonupi,Eci ohali lovitangi viya kokuene.
28 Kotembo yaco, ovo va kamamako oku mbilikiya, pole, si ka tambulula;Va ka ndi sandiliya lonjongole yalua, pole, ka va ka ndi sanga,+
29 Momo va suvuka ukũlĩhĩso,+Kuenda va likala oku sumbila Yehova.+
30 Ovo va likala alungulo ange;Ka va sumbilile alungulo ange osi.
31 Va ka tala ohali omo lielinga* liavo,+Kuenda va kekuta calua lelungulo* liavo muẽle.
32 Momo esino liava va kamba olondunge li ka va ponda,Kuenda ekambo liesakalalo liaveke, li ka va kundula.
33 Pole, una o ndi yevelela o ka tunga apa pa koka+Kuenda ka ka sakalaisua omo liusumba wefengi.”+
Atosi Pombuelo
^ Ale “oku sunguluka.”
^ Ale “alungulo olondunge.”
^ Ale “ocihandeleko.”
^ Okuti, ocitumãlo mu kendiwa omanu va fa.
^ Ale “Imba ocela cove kumue letu.”
^ Ale “tu litepela onjeke yimuamue.”
^ Lit., “utue.”
^ Ale “Tiukili konyima eci ndu ku lunguli.”
^ “Lit., ‘espiritu liange,’ pamue ci tiamisiwila kolondunge vi eciwa lespiritu lia Suku.”
^ Lit., “oku lia kepako.”
^ Ale “asokiyo; ovisimĩlo.”
