Hikmatlar 17:1-28
17 Dasturxoni to‘kin-sochin, ammo janjalli uydan,Bir burda qotgan noni bor tinch xonadon yaxshiroq+.
2 Aqlli xizmatkor oriyatsiz o‘g‘il ustidan boshqaradi,Uning birodarlari bilan birga merosga ega bo‘ladi.
3 Kumush — qozonda, oltin — o‘choqda tozalanadi+,Ammo insonlarning yuragini Yahova tekshiradi+.
4 Yovuz kishi diqqatini yomon so‘zlarga qaratadi,Yolg‘onchi esa buzuqning gaplarini eshitadi+.
5 Kambag‘alni mazax qilgan Yaratuvchini tahqirlaydi+,Birovning baxtsizligiga sevingan jazosiz qolmaydi+.
6 Keksalarning toji — nevaralari,Farzandlarning sharafi otalaridir*.
7 To‘g‘ri so‘z ahmoqga yarashmaganiday+,Yolg‘on so‘z ham hukmdorga aslo yarashmaydi+.
8 Hadya o‘z egasi uchun qimmatbaho toshdaydir+,U nimaiki qilmasin, muvaffaqiyat qozonadi+.
9 Gunohni kechirgan sevgini namoyon etadi+,Bu haqda gapirgan esa yaqin do‘stlarni ayiradi+.
10 Farosatli kishiga birgina o‘git kifoya+,Nodonga esa yuz qamchi ham kor qilmas+.
11 Yomon odam isyon ko‘tarish uchun payt poylaydi,Ammo uni jazolashga shafqatsiz elchi yuboriladi+.
12 Nodonning ahmoqligiga yo‘liqqandan ko‘ra,Bolalaridan ayrilgan ona ayiqga duch kelish yaxshiroqdir+.
13 Kimdir yaxshilikka yomonlik bilan javob qaytarsa,Uning xonadonidan balo arimaydi+.
14 Urishning boshlanishi to‘siqni buzgan toshqindaydir,Janjal chiqmasidan avval u yerni tark et+.
15 Yovuzni oqlagan ham, odilni hukm qilgan ham+,Yahova uchun jirkanchdir.
16 Ahmoqning donolikka erishish imkoniyati bo‘lsa-yu,Ammo aqli bo‘lmasa, bundan unga ne foyda?!+
17 Chin do‘st hamma vaqt sevadi+,Og‘ir damda birodariga tayanch bo‘ladi+.
18 Farosatsiz odam qo‘l siqishib bitim tuzadi,Birov uchun yaqinining oldida kafillik qiladi+.
19 Janjalga aralashgan gunoh qiladi+,Darvozasini baland qurgan halokatni chaqiradi+.
20 Qalbi egri yaxshilik topmaydi+,Yolg‘on so‘zlagan halok bo‘ladi.
21 Nodon farzand otasini qayg‘uga botiradi,Aqlsizning otasi quvonch nimaligini bilmaydi+.
22 Shod yurak shifobaxsh malhamdaydir+,Ezilgan ruh esa suyaklarni quritadi+.
23 Yovuz adolatni poymol qilish uchunQo‘ynidan pora chiqaradi+.
24 Donolik aql-idroklining ko‘z oldida,Nodonning xayoli esa parishondir+.
25 Ahmoq o‘g‘il otasiga qayg‘u keltiradi,Onasining diliga ozor yetkazadi+.
26 Odil insonni jazolash yaxshi emas,Hurmatli kishini kaltaklash nohaqlikdir.
27 Oqil inson o‘ylab so‘zlaydi+,Aql-idrokli inson xotirjamlikni saqlaydi+.
28 Sukut saqlasa, ahmoq donoday,Tilini tiygan aql-idrokliday ko‘rinadi.
Izohlar
^ Yoki «ota-onasidir».
