Voiz 11:1-10
11 Noningni suvga oqiz+, chunki ko‘p kunlar o‘tgach uni qayta topasan+.
2 Bor narsangni yetti, hatto sakkiz kishi bilan baham ko‘r+, chunki yer yuziga qanday falokat yog‘ilishini bilmaysan.
3 Agar bulutlar suvga to‘lsa, yer yuziga yomg‘ir bo‘lib tushadi. Daraxt xoh janubga, xoh shimolga qulamasin, qulagan joyida yotaveradi.
4 Shamolga qaragan urug‘ ekmaydi, bulutlarga qaragan esa hosilni yig‘ib olmaydi+.
5 Homilador ayolning qornidagi chaqaloqda hayot nafasi* qanday vujudga kelishini bilmaganingday+, Allohning ishlarini ham anglab yeta olmaysan+.
6 Ertalabdan urug‘ingni ekkin, kechga qadar qo‘llaringga tinim berma+. Chunki qay biri — unisi yoki bunisi o‘sib chiqishini bilmaysan. Balki ikkovi ham unib chiqar.
7 Yorug‘lik lazzatlidir, ko‘zlar uchun quyosh nuri yoqimlidir!
8 Agar inson uzoq umr ko‘rsa, har bir kunidan zavqlanib yashasin+. Ammo qora kunlari ko‘p bo‘lishini ham unutmasin. Bo‘lajak kunlarning bari behudadir+.
9 Ey yigit, hali yosh ekansan, yoshlik chog‘ingda qalbing shodlikka to‘lsin! Ko‘ngling istaganini qil, ko‘zlaring boqqan yerga bor. Lekin shuni bilginki, Alloh bu barcha narsalar uchun seni javobgarlikka tortadi+.
10 Seni tashvishga soladigan narsalarni qalbingdan chiqarib tashla. Tanangga ziyon yetkazadigan narsalardan uzoqroq yur, chunki yoshlik chog‘i o‘tkinchidir!+
Izohlar
^ Bu shuningdek, Xudoning ruhiga tegishli bo‘lishi mumkin.
