Ri tevhela mavhonele a Bivhili nga ha mbingano na ṱhalano. Mudzimu o ita uri mbingano i vhe mbofho ya tshoṱhe vhukati ha munna na mufumakadzi. Bivhili i tendela ṱhalano arali ho vha na vhuṱonḓolo mbinganoni.​—Mateo 19:5, 6, 9.

 Ee, nga nḓila dzo vhalaho:

•   Dzikhandiso. Kanzhi dzi vha dzi na mafhungo ane a nga khwaṱhisa mbingano dzoṱhe u katela na dzine dza vhonala u nga dzi nga si tsha luga. Sa tsumbo, sedzani thero “Maintaining Commitment in Your Marriage,” “How to Forgive” na “Rebuilding Trust in a Marriage.”

•   Miṱangano. Musi ri miṱanganoni ya tshivhidzo, maguvhanganoni na mabuthanoni, ri haseledza vhulivhisi vhune ha shuma mbinganoni vhu bvaho Bivhilini.

•   Vhahulwane. Vhahulwane vha tshivhidzo vha thusa vhavhingani vha tshi shumisa maṅwalo a ngaho Vhaefesa 5:22-25.

 Hai. Na musi vhahulwane vho humbelwa uri vha thuse vhavhingani vha re thaidzo mbinganoni, a vha na ndugelo ya u vhudza vhavhingani zwine vha fanela u zwi ita. (Vhagalata 6:5) Naho zwo ralo, ane a khetha u ṱala a si na zwiitisi zwi bvaho Bivhilini ha ṋewi ndugelo dzo khetheaho tshivhidzoni nahone Bivhili a i mu tendeli uri a dovhe a vhinge kana u vhingwa.​—1 Timotheo 3:1, 5, 12.

 Bivhili i ṱuṱuwedza vhavhingani uri vha dzule vhoṱhe na musi zwithu zwi sa khou tshimbila zwavhuḓi.(1 Vhakorinta 7:10-16) Vhunzhi ha thaidzo dzi nga lugiswa nga u rabela zwi tshi bva mbiluni, u shumisa zwine Bivhili ya zwi amba na u sumbedza lufuno.​—1 Vhakorinta 13:4-8; Vhagalata 5:22.

 Naho zwo ralo, kha zwiimo zwo kalulaho zwi ngaho zwi tevhelaho, vhaṅwe Vhakriste vho dzhia phetho ya u fhandekana na mufarisi wavho:

•   U sa ṱunḓela na u shavhedza vha muṱani.​—1 Timotheo 5:8.

•   U shengedzwa nga nḓila yo kalulaho.​—Psalme ya 11:5.

•   U vhewa ha vhushaka hau na Mudzimu khomboni. Sa tsumbo, mufarisi a nga lingedza u ita uri Ṱhanzi i pfuke milayo ya Mudzimu, nga zwenezwo mufarisi a re Ṱhanzi a nga dzhia phetho ya uri u fhandekana ndi yone nḓila i yoṱhe ya uri a ‘thetshelese Mudzimu ane a vha muvhusi nṱhani ha vhathu.’​—Mishumo 5:29.