Bugu Ya U Thoma Ya Koronika 6:1-81
6 Vharwa vha Levi+ vho vha vhe Gerisoni, Kehati+ na Merari.+
2 Vharwa vha Kehati vho vha vhe Amuramu, Isara,+ Heburoni na Usiele.+
3 Vhana* vha Amuramu+ vho vha vhe Aroni,+ Mushe+ na Miriamu.+ Vharwa vha Aroni vho vha vhe Nadaba, Abihu,+ Eliasara+ na Ithamara.+
4 Eliasara a beba Finiasi;+ Finiasi a beba Abishua.
5 Abishua a beba Buki; Buki a beba Usi.
6 Usi a beba Zeraya; Zeraya a beba Merayothe.
7 Merayothe a beba Amaria; Amaria a beba Ahitobo.+
8 Ahitobo a beba Tsadoko;+ Tsadoko a beba Ahimaatsi.+
9 Ahimaatsi a beba Asaria; Asaria a beba Yohanani.
10 Yohanani a beba Asaria. O vha e tshifhe nḓuni ye Salomo a i fhaṱa ngei Yerusalema.
11 Asaria a beba Amaria; Amaria a beba Ahitobo.
12 Ahitobo a beba Tsadoko;+ Tsadoko a beba Shalumu.
13 Shalumu a beba Hilikia;+ Hilikia a beba Asaria.
14 Asaria a beba Seraya;+ Seraya a beba Yehotsadaka.+
15 Yehotsadaka o iswa vhuthubwani musi Yehova a tshi isa Yuda na Yerusalema vhuthubwani nga tshanḓa tsha Nebukadanetsara.
16 Vharwa vha Levi vho vha vhe Gerisomi,* Kehati na Merari.
17 Madzina a vharwa vha Gerisomi ndi haya: Libini na Shimei.+
18 Vharwa vha Kehati vho vha vhe Amuramu, Isara, Heburoni na Usiele.+
19 Vharwa vha Merari vho vha vhe Mahali na Mushi.
Yeneyi yo vha i miṱa ya Vhalevi u ya nga vhomakhulukuku wavho:+
20 Gerisomi+ a beba Libini, Libini a beba Yahathi, Yahathi a beba Zima,
21 Zima a beba Yoa, Yoa a beba Ido, Ido a beba Zera, Zera a beba Yeatherai.
22 Vharwa* vha Kehati vho vha vhe Aminadaba, Aminadaba a beba Kora,+ Kora a beba Asiri,
23 Asiri a beba Elikana, Elikana a beba Ebiasafu,+ Ebiasafu a beba Asiri,
24 Asiri a beba Thahatha, Thahatha a beba Uriele, Uriele a beba Usia, Usia a beba Shaulo.
25 Vharwa vha Elikana vho vha vhe Amasai na Ahimotho.
26 Murwa wa Elikana o vha e Tsofai, murwa wa Tsofai o vha e Nahathi,
27 murwa wa Nahathi o vha e Eliaba, murwa wa Eliaba o vha e Yerohamu, murwa wa Yerohamu o vha e Elikana.+
28 Vharwa vha Samuele+ vho vha vhe Yoele tanzhe ḽawe, a tevhelwa nga Abia.+
29 Vharwa* vha Merari vho vha vhe Mahali,+ murwa wa Mahali o vha e Libini, murwa wa Libini o vha e Shimei, murwa wa Shimei o vha e Usa,
30 murwa wa Usa o vha e Shimea, murwa wa Shimea o vha e Hagia, murwa wa Hagia o vha e Asaya.
31 Vhenevho ndi vhe Davida a vha nanga uri vha imbise vhathu nḓuni ya Yehova musi Mbulungelo yo no vhewa henefho.+
32 Vho vha vhe na vhuḓifhinduleli ha u imba phanḓa ha dennde ḽikhethwa* ḽa muṱangano u swika Salomo a tshi fhaṱa nnḓu ya Yehova ngei Yerusalema,+ vha tshi ita mushumo vha tshi tevhedza zwe vha laiwa uri vha zwi ite.+
33 Vha shumaho na vharwa vhavho ndi havha: Kha Vhakehati, Hemani+ wa muimbi, murwa wa Yoele,+ murwa wa Samuele,
34 murwa wa Elikana,+ murwa wa Yerohamu, murwa wa Eliele, murwa wa Thua,
35 murwa wa Tsufi, murwa wa Elikana, murwa wa Mahathe, murwa wa Amasai,
36 murwa wa Elikana, murwa wa Yoele, murwa wa Asaria, murwa wa Tsefanya,
37 murwa wa Thahatha, murwa wa Asiri, murwa wa Ebiasafu, murwa wa Kora,
38 murwa wa Isara, murwa wa Kehati, murwa wa Levi, murwa wa Isiraele.
39 Asafu+ ṅwana wa khotsi awe a ima nga thungo ya tsha u ḽa; Asafu o vha e murwa wa Berekia, murwa wa Shimea,
40 murwa wa Mikaele, murwa wa Basayi, murwa wa Malakia,
41 murwa wa Ethini, murwa wa Zera, murwa wa Adaya,
42 murwa wa Ethani, murwa wa Zima, murwa wa Shimei,
43 murwa wa Yahathi, murwa wa Gerisomi, murwa wa Levi.
44 Vhaḓuhulu vha Merari+ ṅwana wa khotsi avho vho vha vho ima nga thungo ya tsha monde; ho vha hu na Ethani+ murwa wa Kishai, murwa wa Abadi, murwa wa Maluku,
45 murwa wa Hasabia, murwa wa Amatsia, murwa wa Hilikia,
46 murwa wa Amatsi, murwa wa Bani, murwa wa Shemere,
47 murwa wa Mahali, murwa wa Mushi, murwa wa Merari, murwa wa Levi.
48 Vhana vha khotsi avho vha Vhalevi vho vha vho ṋewa mishumo yoṱhe ya denndeni ḽikhethwa,* nḓuni ya Mudzimu wa ngoho.+
49 Aroni na vharwa vhawe+ vho vha vha tshi dubisela Mudzimu zwiṱhavhelo kha aḽeṱare ya tshifhiwa tsha u fhiswa+ na u fhisa zwioro kha aḽeṱare ya zwioro,+ vho vha vha tshi ita mishumo i tshimbidzanaho na zwithu zwa fhethu hu khethwa-khethwa, vha tshi pfumelela Isiraele,+ vha tshi tevhedza zwoṱhe zwe Mushe mushumeli wa Mudzimu wa ngoho a vha laya.
50 Vhaḓuhulu vha Aroni ndi havha:+ Murwa wa Aroni o vha e Eliasara,+ murwa wa Eliasara o vha e Finiasi, murwa wa Finiasi o vha e Abishua,
51 murwa wa Abishua o vha e Buki, murwa wa Buki o vha e Usi, murwa wa Usi o vha e Zeraya,
52 murwa wa Zeraya o vha e Merayothe, murwa wa Merayothe o vha e Amaria, murwa wa Amaria o vha e Ahitobo,+
53 murwa wa Ahitobo o vha e Tsadoko,+ murwa wa Tsadoko o vha e Ahimaatsi.
54 Miḓi yavho u ya nga madennde avho shangoni ḽa havho ndi heyi: ho thoma nga u mvaṱiwa vhaḓuhulu vha Aroni wa muṱa wa Vhakehati,
55 vha vha ṋea shango ḽa Heburoni+ ḽi re Yuda, na mafulo aḽo.
56 Fhedzi tsimu ya wonoyo muḓi na miḓana yawo vha zwi ṋea Kalebe+ murwa wa Yefune.
57 Vhaḓuhulu vha Aroni vha vha ṋea miḓi ya vhushavhelo,+ i re Heburoni+ na Libina+ na mafulo ayo, Yathiri,+ Eshithemoa na mafulo ayo,+
58 Hilone na mafulo awo, Dibiri+ na mafulo awo,
59 Ashani+ na mafulo awo na Bethe-semesi+ na mafulo awo;
60 kha lushaka lwa Benyamini, Geba+ na mafulo awo, Alemethe na mafulo awo, Anathothe+ na mafulo awo. Miḓi yavho yoṱhe ye vha ṋewa yone u ya nga miṱa yavho yo vha i miḓi ya 13.+
61 Vhaṅwe Vhakehati vhoṱhe, vha ṋewa* miḓi ya fumi, kha muṱa wa lwonolwo lushaka na kha hafu ya lushaka lwa Manase.+
62 Kha Vhagerisomi u ya nga miṱa yavho vho ṋewa miḓi ya 13 i bvaho kha lushaka lwa Isashari, lushaka lwa Ashere, lushaka lwa Nafutali na lushaka lwa Manase lwa ngei Bashani.+
63 Kha lushaka lwa Merari u ya nga miṱa yavho vho kovhelwa miḓi ya 12 u bva kha lushaka lwa Rubeni, lushaka lwa Gada na lushaka lwa Sebuloni.+
64 Ngauralo, Vhaisiraele vha ṋea Vhalevi yeneyi miḓi na mafulo ayo.+
65 Zwiṅwe hafhu, vho shumisa madeṅwa musi vha tshi vha ṋea miḓi i bvaho kha lushaka lwa Yuda, lushaka lwa Simioni na lushaka lwa Benyamini, ye ya bulwa nga madzina.
66 Miṅwe miṱa ya Vhakehati yo wana miḓi kha lushaka lwa Efuraimi uri i vhe shango ḽavho.+
67 Vho vha ṋea miḓi ya vhushavhelo. Muḓi wa Shikeme+ na mafulo awo a re dzinguni ḽa thavhani dza Efuraimi, Gesere+ na mafulo awo,
68 Yokomeamu na mafulo awo, Bethe-horoni+ na mafulo awo,
69 Ayaloni+ na mafulo awo, Gathi-rimoni+ na mafulo awo;
70 na hafu ya lushaka lwa Manase, Anere na mafulo awo, Biliamu na mafulo awo, vha i ṋea miṱa yoṱhe ya Vhakehati.
71 Vhagerisomi vha ṋewa muḓi nga hafu ya lushaka lwa muṱa wa Manase, Golani+ ngei Bashani na mafulo awo na Asitarote na mafulo awo;+
72 kha lushaka lwa Isashari, vha vha ṋea Kedese na mafulo awo, Deberathe+ na mafulo awo,+
73 Ramothe na mafulo awo, Anemu na mafulo awo;
74 na kha lushaka lwa Ashere, Mashale na mafulo awo, Abidoni na mafulo awo,+
75 Hukoko na mafulo awo na Rehobo+ na mafulo awo;
76 kha lushaka lwa Nafutali vho ṋewa Kedese+ ngei Galilea+ na mafulo awo, Hamoni na mafulo awo na Kirethaimi na mafulo awo.
77 Vhamerari vho salaho vha kovhelwa miḓi kha lushaka lwa Sebuloni,+ Rimono na mafulo awo, Thaboro na mafulo awo;
78 na dzingu ḽa Yorodane ngei Yeriko, thungo ya vhubvaḓuvha ha Yorodane, kha lushaka lwa Rubeni vha ṋewa Betsera sogani na mafulo awo, Yahazi+ na mafulo awo,
79 Kedemothe+ na mafulo awo, Miphate na mafulo awo;
80 kha lushaka lwa Gada vha ṋewa Ramothe ngei Giḽiada na mafulo awo, Mahanaimi+ na mafulo awo,
81 Hesiboni+ na mafulo awo na Yasere+ na mafulo awo.
Ṱhaluso dzi re magumoni a siaṱari
^ Thevhedz., “Vharwa.”
^ U dovha a pfi Gerisoni kha ndimana 1.
^ Kana “Vhaḓuhulu.”
^ Kana “Vhaḓuhulu.”
^ “Ndi dennde ḽa vhurabeli ḽine ḽa hwalea ḽe ḽa vha ḽi tshi shumiswa nga Vhaisiraele; nga zwiṅwe zwifhinga ḽo vha ḽi tshi vhidzwa ‘dennde ḽa muṱangano.’”
^ “Ndi dennde ḽa vhurabeli ḽine ḽa hwalea ḽe ḽa vha ḽi tshi shumiswa nga Vhaisiraele; nga zwiṅwe zwifhinga ḽo vha ḽi tshi vhidzwa ‘dennde ḽa muṱangano.’”
^ Kana “ṋewa nga madeṅwa.”
