Vhurifhi Ha U Thoma Vhu Yaho Kha Timotheo 2:1-15
2 Tsha u thoma, ndi a ni ṱuṱuwedza uri ni rabelele vhathu vhoṱhe, nga u humbela Mudzimu zwi tshi bva mbiluni uri a vha thuse, ni mu livhuwe.
2 Ni rabelele na mahosi na vhoṱhe vha re na vhuimo ha nṱha,+ uri ri tshile ho dzika hu na mulalo, ro ḓikumedzela tshoṱhe kha Mudzimu na u ita zwithu zwoṱhe nga mbilu yoṱhe.+
3 Zwenezwi zwo luga, zwi a takadza phanḓa ha Mudzimu, Mutshidzi washu,+
4 ane a funa vhathu vhoṱhe vha tshi tshidzwa+ na u vha na nḓivho yo teaho ya ngoho.
5 Samusi hu na Mudzimu muthihi,+ na mupfumedzanyi+ wa Mudzimu na vhathu+ ndi muthihi, onoyo ndi Kristo Yesu,+
6 we a ḓikumedzela uri a rengulule vhathu vhoṱhe.+ Vhathu vha ḓo amba nga hazwo nga tshifhinga tshazwo.
7 Ndi ngazwo ndo nangwa uri ndi huwelele+ na u vha muapostola,+ uri ndi funze vha dzitshaka+ nga ha lutendo na ngoho. Ndi khou amba ngoho, a thi khou zwifha.
8 Ngauralo, ndi tama uri hoṱhe hune na kuvhangana, vhanna vha dzule vhe vhakhethwa na u rabela vho imisela zwanḓa nṱha,+ vha sa sinyuwi+ na u ṱaṱa khani.+
9 Na vhafumakadzi ndi tama vha tshi ambara nga nḓila yo teaho,* vha tshi vha na tshirunzi na muhumbulo wo tshaho, hu si nga u luka mavhudzi na u ḓinakisa nga musuku kana nga vhulungu kana nga zwiambaro zwi ḓuraho vhukuma,+
10 fhedzi vha ambare nga nḓila yo fanelaho vhafumakadzi vho ḓikumedzelaho kha Mudzimu,+ nga mishumo mivhuya.
11 Mufumakadzi nga a gude o fhumula, a tshi ḓiṱukufhadza.+
12 Mufumakadzi a thi mu tendeli uri a funze kana u langa munna, fhedzi u fanela u fhumula.+
13 Ngauri ho thoma u vhumbiwa Adamu, ha kona u tevhela Eva.+
14 Zwiṅwe hafhu, Adamu ho ngo fhurwa, ho fhurwa mufumakadzi,+ a pfuka mulayo.
15 Fhedzi mufumakadzi u ḓo tshidzwa nga u beba vhana,+ tenda a* bvela phanḓa a tshi tenda na u vha na lufuno, e mukhethwa, e na muhumbulo wo tshaho.+
