Mirero 12:1-28
12 A funaho ndayo u funa nḓivho,+A sa funi u kaidzwa ndi tsilu.+
2 Muthu wavhuḓi u takalelwa nga Yehova,Ha ṱanganedzi maano a munna muvhi.+
3 A hu na ane a nga tsireledzwa nga vhuvhi,+Vhavhuya vha nga si tupulwe.
4 Mufumakadzi wavhuḓi ndi khare kha munna wawe,+Fhedzi ane a ḓifara nga nḓila i shonisaho u fana na vhulwadze vhune ha sinisa marambo a munna wawe.+
5 Maano a vhavhuya o tea,Fhedzi nyeletshedzo ya vhavhi ndi ya vhufhura.
6 Zwine vhavhi vha zwi amba ndi tshikwekwe tshi vhulayaho,*+Fhedzi mulomo wa vho lugaho u a vha tshidza.+
7 Musi vhavhi vha tshi fheliswa, a vha tsha vha hone,Fhedzi nnḓu ya vhavhuya i ḓo dzula yo ima.+
8 Muthu u huliswa nga nṱhani ha vhuṱali vhu bvaho mulomoni wawe,+Fhedzi wa mbilu mmbi u ḓo nyadziwa.+
9 Ndi khwine u vha wa vhuimo ha fhasi na u vha na mushumeliNṱhani ha u ḓihudza u si na zwiḽiwa.*+
10 Muvhuya u ṱhogomela zwifuwo zwawe,+Fhedzi u khathutshela ha vhavhi ndi ha tshiṱuhu.
11 Ane a lima tsimu yawe u ḓo fushwa nga zwiḽiwa,+Fhedzi ane a ṱoḓa zwithu zwi sa vhuyedzi tshithu ndi tsilu.
12 Muvhi u tama zwe vhathu vhavhi vha fasha,Fhedzi muvhuya u nga muri wo ṱokaho midzi une wa aṋwa mitshelo.
13 Muvhi u fashwa nga u tshinya nga mulomo wawe,+Fhedzi muvhuya u ponyoka khombo.
14 Muthu u fushwa nga zwithu zwavhuḓi zwe a zwi wana nga u amba,+U ḓo lambedzwa nga mishumo ya zwanḓa zwawe.
15 Nḓila ya tsilu yo luga maṱoni aḽo,+Fhedzi wa vhuṱali u thetshelesa nyeletshedzo.+
16 Tsilu ḽi sinyuwa nga u ṱavhanya,+Fhedzi o ṱalifhaho ha zwi dzhieli nṱha musi a tshi semiwa.
17 Ṱhanzi i fhulufhedzeaho i ḓo amba ngoho,*Fhedzi ṱhanzi ya mazwifhi i amba zwa vhufhura.
18 U sokou amba zwi ṱhavha sa banga,Fhedzi lulimi lwa wa vhuṱali lu a fhodza.+
19 Mulomo une wa amba ngoho u ḓo dzula u hone lini na lini,+Fhedzi lulimi lune lwa amba mazwifhi a lu nga lalami.+
20 Vhufhura vhu mbiluni dza vhane vha vhamba maano mavhi,Fhedzi vhane vha tikedza mulalo vha a takala.+
21 A hu na khombo ine ya ḓo wela muvhuya,+Fhedzi muvhi u ḓo ṱangana na khakhathi nnzhi.+
22 Mulomo wa mazwifhi u nengisa Yehova,+Fhedzi vhane vha fhulufhedzea vha a mu takadza.
23 Wa vhuṱali u dzumba zwine a zwi ḓivha,Fhedzi tsilu ḽi anḓadza vhutsilu haḽo.+
24 Hu ḓo vhusa tshanḓa tsha ane a fhisea,+Fhedzi zwanḓa zwa mubva zwi ḓo shuma mushumo wa u kombetshedzwa.+
25 U ḽa mbilu zwi lemedza muthu,*+Fhedzi fhungo ḽavhuḓi ḽi ita uri i takale.+
26 Muvhuya u sedzulusa mafulo awe,Fhedzi nḓila ya vhavhi i ita uri vha pambuwe.
27 Vhabva a vha pandamedzi phukha,+Fhedzi u shuma nga maanḓa ndi lwone lupfumo lwa muthu.
28 Nḓila ya zwivhuya i isa vhutshiloni;+Tsini nayo a hu na lufu.
Ṱhaluso dzi re magumoni a siaṱari
^ Thevhedz., “zwi lalela uri vha shulule malofha.”
^ Thevhedz., “vhurotho.”
^ Thevhedz., “zwo lugaho.”
^ Kana “zwi tsikeledza muthu.”
