Mirero 15:1-33
15 Phindulo ya vhulenda i ita uri muthu a si sinyuwe,+Fhedzi maipfi ane a ṱhavha* a a sinyusa.+
2 Lulimi lwa wa vhuṱali lu shumisa zwavhuḓi nḓivho,+Fhedzi mulomo wa tsilu u amba zwa vhutsilu.
3 Maṱo a Yehova a hoṱhe,A vhona vhavhi na vhavhuya.+
4 Lulimi lwa vhulenda ndi muri wa vhutshilo,+Fhedzi lwa amba zwa vhufhura lu kula nungo.
5 Tsilu ḽi nyadza ndayo ya khotsi aḽo,+Fhedzi o ṱalifhaho u tenda u khakhululwa.*+
6 Nḓuni ya muvhuya hu na lupfumo luhulu,Fhedzi zwine muvhi a bveledza zwi mu ḓisela khombo.+
7 Mulomo wa o ṱalifhaho u phaḓaladza nḓivho,+Fhedzi mbilu ya tsilu a i iti nga u ralo.+
8 Zwiṱhavhelo zwa vhavhi zwi nengisa Yehova,+Fhedzi thabelo dza vho lugaho dzi a Mu takadza.+
9 Yehova u nengiswa nga nḓila ya muvhi,+Fhedzi u funa ane a ṱoḓa zwivhuya.+
10 Ndayo i vhonala i si yavhuḓi kha ane a khou bva nḓilani,+Fhedzi ane a vhenga u kaidzwa u ḓo fa.+
11 Vhiḓa* na fhethu ha ndozwo* zwi khagala kha Yehova.+
Na mbilu dza vhathu dzi khagala lungafhani phanḓa hawe!+
12 Mugoḓi ha funi ane a mu khakhulula.*+
Ha nga vhudzisi wa vhuṱali.+
13 Mbilu yo takalaho i ita uri tshifhaṱuwo tshi takale,Fhedzi musi i tshi pfa vhuṱungu zwi a kula nungo.+
14 Mbilu i re na ṱhalukanyo i ṱoḓa nḓivho,+Fhedzi mulomo wa tsilu u ṱoḓa zwa vhutsilu.+
15 Maḓuvha oṱhe a muthu a tambulaho ndi mavhi,+Fhedzi wa mbilu yo takalaho* u dzula e na tshimima.+
16 Khwine ndi u vha na zwiṱuku ngeno u tshi ofha Yehova+Nṱhani ha u vha na lupfumo luhulu ngeno u tshi khou vhilaela.*+
17 Khwine ndi u sevha nga muroho hu na lufuno+Nṱhani ha u sevha nga ṋama ya mboho yo nonaho hu na vengo.+
18 Ane a ṱavhanya u sinyuwa u vusa nndwa,+Fhedzi ane a lenga u sinyuwa u dzikisa khani.+
19 Nḓila ya mubva i fana na luhura lwa mipfa,+Fhedzi nḓila ya o lugaho i a tshimbilea.+
20 Ṅwana o ṱalifhaho u takadza khotsi awe,+Fhedzi tsilu ḽi nyadza mme aḽo.+
21 Tsilu ḽi takadzwa nga u sa vha na ṱhalukanyo,+Fhedzi wa ṱhalukanyo u tshimbila nḓilani yo lugaho.+
22 Maano a a kundwa arali hu si na nyeletshedzo,Fhedzi zwi a khunyeledzea arali hu na vhaeletshedzi vhanzhi.+
23 Hu takala ane a fhindula zwo teaho,+Ndi zwavhuḓi musi fhungo ḽi tshi ambiwa nga tshifhinga tsho teaho!+
24 Wa ṱhalukanyo u tshimbila nḓilani ya vhutshilo,+Uri a si ye Vhiḓani.*+
25 Yehova u ḓo thutha nnḓu ya ane a ḓihudza,+Fhedzi u ḓo tsireledza mukano wa tshilikadzi.+
26 Yehova u nengwa maano a muvhi,+Fhedzi mafhungo avhuḓi o kuna Khae.+
27 Ane a vhuyelwa nga vhufhura u ḓivhangela khombo muṱani wawe,+Fhedzi ane a vhenga tshanḓanguvhoni u ḓo lalama.+
28 Mbilu ya muvhuya i fhindula yo thoma ya elekanya,*+Fhedzi milomo ya vhavhi i ṱavhanyela u amba zwithu zwivhi.
29 Yehova u kule na vhavhi,Fhedzi u pfa thabelo ya vhavhuya.+
30 Maṱo o tshaho a takadza mbilu;Muvhigo wavhuḓi u khwaṱhisa marambo.+
31 Ane a thetshelesa ndayo ine ya ṋea vhutshiloU dzula vhukati ha vha vhuṱali.+
32 Ane a hana ndayo u vhenga vhutshilo hawe,+Fhedzi ane a thetshelesa musi a tshi kaidzwa u wana ṱhalukanyo.+
33 U ofha Yehova zwi funza muthu vhuṱali,+U ḓiṱukufhadza zwi ita uri a huliswe.+
Ṱhaluso dzi re magumoni a siaṱari
^ Kana “vhaisa.”
^ Kana “kaidzwa.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “na Abadoni.”
^ Kana “kaidza.”
^ Kana “yavhuḓi.”
^ Kana “wo hanganea.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “i humbula nga vhuronwane nḓila ine ya ḓo fhindula ngayo; i humbula i sa athu u amba.”
