Mirero 18:1-24
18 Ane a ḓifhambanya na vhaṅwe u tevhela nyemulo dzawe dza tseḓa;U landula vhuṱali hoṱhe.
2 Tsilu a ḽi takaleli ṱhalukanyo;Nṱhani hazwo ḽi dzumbulula zwa mbiluni yaḽo.+
3 Musi muvhi a tshi ḓa, lunyadzo na lwone lu a ḓa,U nyadziwa na u shoniswa na zwone zwi a ḓa.+
4 Zwine muthu a amba zwi fana na mativha.+
Tshisima tsha vhuṱali ndi mulambwana u elelaho.
5 A si zwavhuḓi u imelela muvhi+Kana u haṱula muvhuya nga nḓila i songo teaho.+
6 Zwine tsilu ḽa amba zwi ita uri hu vhe na dzinndwa,+Mulomo waḽo u ita uri ḽi rwiwe.+
7 Tsilu ḽi tshinywa nga mulomo waḽo,+Mulomo waḽo ndi tshikwekwe tsha vhutshilo haḽo.
8 Zwine muthu ane a tshinya vhaṅwe dzina a zwi amba zwi fana na matshaka-tshaka ane a ḓifha;+Zwi a milwa zwa tsela thumbuni.+
9 Ane a bvafha mushumoni waweNdi muthihi na ane a tshinyadza.+
10 Dzina ḽa Yehova ndi mutsheṱo wo khwaṱhaho.+
Muvhuya u shavhela hone a tsireledzea.+
11 Lupfumo lwa mupfumi ndi muḓi wawe wo tsireledzwaho nga mbondo;Muhumbuloni wawe zwi tou nga luvhondo lu tsireledzaho.+
12 Ane a ḓihudza mbiluni yawe u ḓo fheliswa,+Ane a ḓiṱukufhadza u ḓo huliswa.+
13 Musi muthu a tshi fhindula a songo thoma a pfa zwine zwa khou ambiwa,U sumbedza vhutsilu, zwi a shonisa.+
14 Muya wa muthu u a mu ṋea maanḓa musi a tshi khou lwala,+Fhedzi ndi nnyi ane a nga konḓelela muya wo kwashekanaho?+
15 Mbilu ya ane a vha na ṱhalukanyo i wana nḓivho,+Nḓevhe ya o ṱalifhaho i ṱoḓa nḓivho.
16 Tshifhiwa tshi vulela muthu nḓila;+Tshi mu swikisa kha vhaḓivhalea.
17 Ane a vhiga mulandu wawe u thoma u vhonala a tshi nga u khou amba zwone,+U swika hu tshi ḓa uḽa muṅwe a mu sengisa.+
18 Madeṅwa a fhelisa dziphambano+A lamula vhahali.
19 Wahashu o khakhelwaho u a khwaṱha u fhira muḓi wo tsireledzwaho nga mbondo,+Hu na phambano dzine dza nga tsimbi dza khoro dza dzhavhelo.+
20 Thumbu ya muthu i ḓo fura mitshelo ya zwine a zwi amba;+U ḓo fushea nga zwine zwa bva mulomoni wawe.
21 Lufu na vhutshilo zwi maanḓani a lulimi;+Vhane vha funa u lu shumisa vha ḓo ḽa mitshelo yalwo.+
22 Ane a wana mufumakadzi wavhuḓi o wana tshithu tshavhuḓi,+U takalelwa nga Yehova.+
23 Mushai u a luvhelela musi a tshi amba,Fhedzi mupfumi u fhindula nga vhuhali.
24 Hu na khonani dzo dzulaho dzo lugela u vhaisana,+Fhedzi hu na khonani ine ya nga u tikedza u fhira ṅwana wa mme.+
