Yesaya 25:1-12
25 Iwe Yehova, u Mudzimu wanga.
Ndi a u hulisa, ndi renda dzina ḽau,Ngauri wo ita zwithu zwavhuḓi,+Zwithu zwe zwa vha zwo dzudzanyiwa u bva zwifhingani zwa kale,+Nga ngoho na nga u fhulufhedzea.+
2 Ngauri wo ita uri muḓi u vhe tshiṱhopho tsha matombo,Na uri muḓana wo tsireledzwaho nga mbondo u vhe shubi.
Muḓi wa mutsinda a u tsheeho;A u tsha ḓo dovha wa fhaṱululwa.
3 Ndi ngazwo vhathu vha re na maanḓa vha tshi ḓo u hulisa;Muḓi wa tshaka dzi re na tshiṱuhu u ḓo u ofha.+
4 Ngauri wo no vha vhushavhelo kha a si na zwawe,Vhushavhelo kha mushai musi o tsikeledzea,+Vhukhudo musi hu na mvula khulu,Na murunzi musi hu tshi fhisa.+
Musi mbiti dza vha re na tshiṱuhu dzi tshi vho nga mvula khulu ine ya nela luvhondo,
5 Sa mufhiso shangoni ḽo omaho,U kunda bonyongo ḽa vhatsinda.
Luimbo lwa vhathu vha re na tshiṱuhu lwo fhumudzwa,U fana na mufhiso u tshi kundwa nga murunzi wa gole.
6 Kha yeneyi thavha+ Yehova wa mavhuthu u ḓo itela vhathu vhoṱheTshimima tsha zwiḽiwa zwa mapfura,+Tshimima tsha waini yavhuḓi,Tsha ṋama ya mapfura i re na mwongo,Tsha waini yavhuḓi yo ṱuḓwaho.
7 Kha yeneyi thavha u ḓo bvisa labi ḽo fukedzaho vhathu vhoṱheNa labi ḽo tibaho tshaka dzoṱhe.
8 Lufu u ḓo lu fhelisa* tshoṱhe,+Yehova Murena Muvhusahoṱhe u ḓo phumula miṱodzi kha zwifhaṱuwo zwoṱhe.+
U ḓo fhedza u nyadziwa ha vhathu vhawe ḽifhasini ḽoṱhe,Ngauri Yehova ene muṋe o amba.
9 Nga ḽeneḽo ḓuvha vha ḓo ri:
“Hoyu ndi Mudzimu washu!+
Ro fhulufhela ene,+U ḓo ri tshidza.+
Hoyu ndi Yehova!
Ro fhulufhela ene.
Kha ri pembele ri takalele u tshidzwa ngae.”+
10 Ngauri tshanḓa tsha Yehova tshi ḓo dzula kha yeneyi thavha,+Moaba u ḓo kandekanywa fhethu hawo+Sa hatsi vhu tshi kandekanywa kha manyoro.
11 U ḓo imisela nṱha zwanḓa zwawe a u rwaSa mubambeli a tshi rwa maḓi nga zwanḓa zwawe musi a tshi khou bambela,U ḓo fhelisa u ḓihudza hawo+Nga u shumisa zwanḓa zwawe nga vhutsila.
12 Muḓi wo tsireledzwaho nga mbondo ndapfu,U ḓo u fhelisa;U ḓo u wisela fhasi buseni.
Ṱhaluso dzi re magumoni a siaṱari
^ Kana “mila.”
