Yesaya 43:1-28
43 Zwine Yehova a zwi amba,Musiki wau, Iwe Yakobo, We a u vhumba, Iwe Isiraele,+ ndi hezwi:
“U songo ofha, ngauri ndo u rengulula.+
Ndo u vhidza nga dzina ḽau.
U wanga.
2 Musi u tshi fhira vhukati ha maḓi, ndi ḓo vha ndi na iwe,+Na musi u tshi wela milambo, a i nga u kumbi.+
Musi u tshi fhira vhukati ha mulilo, a u nga swi,Na khavhu a i nga u fhisi.
3 Ngauri ndi nṋe Yehova Mudzimu wau,Mukhethwa wa Isiraele, Mutshidzi wau.
Ndo ita uri ḽa Egipita, ḽa Etopia na ḽa SebaA vhe tshirengululi tshau.
4 Ngauri u wa ndeme kha nṋe,+Wo huliswa, nda u funa.+
Ndi ḓo kumedzela vhaṅwe vhathu ndi tshi itela iweNa tshaka ndi tshi itela vhutshilo hau.
5 U songo ofha, ngauri ndi na iwe.+
Ndi ḓo vhuisa vhana* vhau vha tshi bva ngei vhubvaḓuvhaNda u kuvhanganya u bva vhukovhela.+
6 Ndi ḓo amba na devhula nda ri, ‘Vha litshe!’+
Nda amba na tshipembe nda ri, ‘U songo vha thivhela.
Vhuisa vharwa vhanga vha tshi bva kule na vhananyana vhanga vha tshi bva magumoni a ḽifhasi,+
7 Vhenevho vhane vha vhidzwa nga dzina ḽanga+Na vhe nda vha sika ndi tshi itela vhugala hanga,Vhe nda vha vhumba na u vha ita.’+
8 Vhofhololani vha sa vhoni naho vhe na maṱo,Na vho dzingaho nḓevhe naho vhe na nḓevhe.+
9 Tshaka dzoṱhe kha dzi kuvhangane fhethu huthihi,Vhathu kha vha kuvhangane.+
Ndi nnyi khavho ane a nga amba zwenezwi?
Kana ndi nnyi ane a nga ita uri ri pfe zwithu zwa u thoma?*+
Kha vha vhidze ṱhanzi dzavho u itela u sumbedza uri vha khou amba ngoho,Kana vha zwi pfe, vha ri, ‘Ndi ngoho!’”+
10 Yehova u ri, “Inwi ni ṱhanzi dzanga,”+“Mushumeli wanga we nda mu nanga,+Uri ni nḓivhe na u vha na lutendo kha nṋe*Ni ṱalukanye uri ndi kha ḓi vha Onouḽa.+
A hu na muṅwe Mudzimu we a vha hone phanḓa hanga,A hu tsha ḓo dovha ha vha na muṅwe.+
11 Ndi nṋe Yehova,+ a hu na muṅwe mutshidzi nga nnḓa ha nṋe.”+
12 “Ndi Nṋe we nda amba, u tshidza na u ḓivhadzaMusi hu si na mudzimu wa mazwifhi vhukati haṋu.+
Ni ṱhanzi dzanga,” u ralo Yehova, “ndi nṋe Mudzimu.+
13 Ndi dzula ndi Onouḽa;+A hu na ane a nga ndzhavhulela tshithu tshanḓani tshanga.+
Musi ndi tshi ita tshithu, ndi nnyi ane a nga nthivhela?”+
14 Zwe Yehova Murengululi waṋu,+ Mukhethwa wa Isiraele+ a zwi amba ndi hezwi:
“Ndi ḓo vha rumela Babele ndi tshi itela inwi, nda wisa khoro dzoṱhe,+Na Vhakaladea vha ḓo lila vho tsikeledzea vhe zwikepeni zwavho.+
15 Ndi nṋe Yehova, Mukhethwa waṋu,+ Musiki wa Isiraele,+ Khosi yaṋu.”+
16 Hezwi ndi zwe Yehova a amba,Ene ane a phula nḓila lwanzheniNa nḓila vhukati ha maḓi a sa langei,+
17 Ndi Ene ane a kokodza gariki ya nndwa na bere,+Mmbi khathihi na vhahali:
“Vha ḓo ganama vha si tsha vuwa.+
Vha ḓo vhudzulwa, vha dzimiwa sa thambo ine ya khou duga.”
18 “Ni songo humbula zwithu zwa kale,Ni songo dzula ni tshi elekanya nga zwithu zwa tshifhingani tsho fhiraho.
19 Ndi khou ita zwithu zwiswa;+Zwi khou itea zwino.
Naa a ni zwi ṱhogomeli?
Ndi ḓo phula nḓila sogani+Na milambo ya elela sogani.+
20 Zwivhanda zwi ḓo nkhulisa,Phunguwe na mphwe,Ngauri ndi ita uri sogani hu vhe na maḓi,Na milambo,+Ndi tshi itela uri vhathu vhanga vhe nda vha nanga+ vha nwe,
21 Vhathu vhe nda ḓivhumbela vhoneUri vha nthende.+
22 Fhedzi a wo ngo mmbidzelela, Iwe Yakobo,+Ngauri wo vha wo neta nga nṋe, Iwe Isiraele.+
23 A wo ngo nṋea nngu ya tshifhiwa tsha u fhiswaKana u nṋea vhugala nga zwiṱhavhelo zwau.
A tho ngo u kombetshedza uri u nṋee tshifhiwa,Kana u u netisa nga u ṱoḓa zwioro zwitshena.+
24 A wo ngo nthengela luṱanga lu nukhelelaho nga tshelede yau,A wo ngo mpfusha nga mapfura a zwiṱhavhelo zwau.+
Nṱhani hazwo, wo nndemedza nga zwivhi zwauWa nnetisa nga vhukhakhi hau.+
25 Ndi nṋe Ane a khou phumula vhutshinyi*+ hau ndi tshi itela nṋe muṋe,+A thi tsha ḓo humbula zwivhi zwau.+
26 Nkhumbudze; kha ri sengisane;Amba mafhungo au uri u sumbedze zwa uri wo luga.
27 Makhulukuku wau wa u thoma o ita tshivhi,Na vhaambeli* vhau vho ntshandukela.+
28 Ndi ḓo tshikafhadza vhakololo vha fhethu hukhethwa,Nda kumedzela Yakobo uri a fhelisweNda ita uri Isiraele a semiwe.+
Ṱhaluso dzi re magumoni a siaṱari
^ Thevhedz., “mbeu.”
^ Khamusi zwi khou ambela kha zwithu zwa u thoma zwine zwa ḓo itea tshifhingani tshi ḓaho.
^ Kana “na u mpfulufhela.”
^ Kana “zwiito zwa vhushandukwa.”
^ Khamusi zwi khou ambela kha vhane vha funza Mulayo.
