Yobo 24:1-25
24 “Ndi ngani Ramaanḓaoṱhe a sa vhei tshifhinga?+
Ndi ngani vhane vha mu ḓivha vha sa vhoni ḓuvha ḽawe?*
2 Vhathu vha sudzulusa mikano;+Vha tswa masambi uri a vhe a pfulo yavho.
3 Vha ṱuwa na donngi ya vhana vha si na khotsiVha dzhiela tshilikadzi mboho vha i fara u swika i tshi lifha zwe ya hadzima.+
4 Vha bvisa vhashai nḓilani;Vha ita uri vha sa koni u ḓilwela vha kha ḽifhasi vha dzumbame.+
5 Vhashai vha ṱoḓa zwiḽiwa u fana na donngi+ dzi sogani;Vha ṱoḓela vhana vhavho zwiḽiwa sogani.
6 Vha kaṋa tsimuni ya muṅweNa u ṱala ṱhalane tsimuni ya minḓirivhe ya muvhi.
7 Vhusiku vha eḓela vha songo fuka, vha songo ambara zwiambaro;+A vha na tsha u ambara phephoni.
8 Vho ṋukadzwa nga mvula dza thavhani;Vha nambatela matombo nga u shaya vhukhudo.
9 Vha dzhavhula ṅwana a si na khotsi a tshi kha ḓi mama;+Hu dzhiiwa zwiambaro zwa vhashai vha zwi fara u swika vha tshi lifha zwe vha hadzima,+
10 Vha vha kombetshedza uri vha tshimbile vhe fhedzi,Vha hwala khuḽane dza thoro vhe na nḓala.
11 Vha shuma nga maanḓa vhe vhukati ha mitsheṱo vha tshi khou swa nga ḓuvha;Vha suka nḓirivhe, fhedzi vha ḓi farwa nga ḓora.+
12 Muḓini hu pfala vhane vha gomela vha tshi khou fa;Vhathu vho huvhalaho* vha lila vha tshi ṱoḓa thuso,+Fhedzi Mudzimu u dzhia zwenezwi zwi songo khakhea.
13 Hu na vhane vha shandukela tshedza;+A vha ṱalukanyi nḓila dzatsho,A vha tevheli nḓila dzatsho.
14 Muvhulayi u vuwa nga matsheloni;U vhulaya vha sa koni u ḓilwela na vhashai,+Ngeno vhusiku e mbava.
15 Ḽiṱo ḽa phombwe ḽi lindela hu tshi vha madekwana,+I ri: ‘A hu na ane a ḓo mmbona!’+
I khurumela tshifhaṱuwo tshayo.
16 Vha kwasha dzinnḓu swiswini;Nga masiari vha a ḓivalela nga ngomu.
A vha pfani na tshedza.+
17 Ndi ngazwo khavho matsheloni a tshi fana na vhusiku;Vha ḓivha zwine zwa tshuwisa swiswini ḽihulu.
18 Fhedzi maḓi a vha kumba nga u ṱavhanya.
Shango ḽavho ḽi ḓo semiwa.+
A vha tsha ḓo humela masimuni a minḓirivhe yavho.
19 Vhunga gomelelo na mufhiso zwi tshi xisa maḓi a mahaḓa,Vhiḓa* ḽi dzhia vhane vha ita zwivhi!+
20 Mme awe u ḓo mu hangwa; mbungu dzi ḓo mu ḽa.
Ha tsha ḓo humbulwa na luthihi.+
A songo lugaho u ḓo vunḓwa sa muri.
21 U huvhadza a sa bebi,A fara luvhi tshilikadzi.
22 Mudzimu u ḓo shumisa nungo dzawe uri a fhelise vha re na maanḓa;Naho vha vuwa, a vha ḓivhi arali vha tshi ḓo tshila kana u fa.
23 Mudzimu u vha litsha vha tshi ḓifhulufhela na u ḓipfa vho tsireledzea,+Fhedzi maṱo awe a lavhelesa zwoṱhe zwine vha zwi ita.+
24 Vha a huliswa lwa tshifhinganyana, nga murahu vha si tsha vha hone.+Vha a ṱukufhadzwa,+ vha ḓo fa u fana na vhaṅwe vhathu;
Vha tumulwa sa ṱhotshe.
25 Ndi nnyi ane a nga ri ndi a zwifhaKana ane a nga hanedza zwine nda amba?”
Ṱhaluso dzi re magumoni a siaṱari
^ Ḓuvha ḽawe ḽa khaṱhulo.
^ Kana “Khuvhabvu.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
