Naa ni nga ri?

• Ee

• Hai

• Khamusi

Zwine Bivhili ya amba zwone

“Maḓuvhani a vhufhelo hu ḓo vha na zwifhinga zwi lemelaho zwi konḓaho u sedzana nazwo.” (2 Timotheo 3:1) Vhuporofita vhu re Bivhilini na zwine zwa khou itea musalauno zwi sumbedza uri ri khou tshila “maḓuvhani a vhufhelo.”

Ndi mini zwiṅwe zwine ra nga zwi guda Bivhilini?

• Uri ri khou tshila maḓuvhani a vhufhelo, ri ḓo vhona nga dzinndwa, nḓala, midzinginyo na malwadze a ofhisaho.—Mateo 24:3, 7; Luka 21:11.

• Maḓuvhani a vhufhelo, vhathu vha ḓo ḓifara nga nḓila i si yavhuḓi nahone vha ḓo vha na vhushaka vhu si havhuḓi na Mudzimu.—2 Timotheo 3:2-5.

Vhaṅwe vhathu vha tenda . . . uri ḽifhasi na zwoṱhe zwi re khaḽo zwi ḓo fheliswa, ngeno vhaṅwe vhe na fulufhelo ḽa uri vhuimo vhu ḓo shanduka. Ni humbula mini?

Zwine Bivhili ya amba zwone

“Vha u ḓo vha vhaṋe vha shango ndi vhavhuya, ndi vhone vha u ḓo dzula khaḽo’ lini na lini.”—Psalme ya 37:29.

Ndi mini zwiṅwe zwine ra nga zwi guda Bivhilini?

• Maḓuvha a vhufhelo a ḓo fhela, na vhuvhi hoṱhe vhu ḓo fheliswa.—1 Yohane 2:17.

• Ḽifhasi ḽi ḓo shandulwa ḽa vha paradiso. —Yesaya 35:1, 6.