Vhushai vhu vhulaha vhathu vha dzimilioni ṅwaha muṅwe na muṅwe nga nṱhani ha u shayea ha zwiḽiwa zwa pfushi na malwadze. Naho zwipiḓa zwinzhi zwa shango zwo pfuma, fhedzi vhathu vhanzhi vha kha ḓi shaya vhukuma. Bivhili i sumbedza uri vhushai ndi thaidzo ya vhathu ya kale.—Vhalani Yohane 12:8.

Zwi ḓo ṱoḓa muvhuso wa shango ḽoṱhe uri hu fheliswe vhushai. Wonoyo muvhuso u fanela u vha u na maanḓa a u kovhekanya zwishumiswa zwi re shangoni nga nḓila yo teaho na u fhelisa dzinndwa, dzine dza vha tshiitisi tshihulwane tsha vhushai. Mudzimu o fulufhedzisa muvhuso wo raloho.—Vhalani Daniele 2:44.

Mudzimu o khetha Yesu Murwa wawe uri a vhuse vhathu vhoṱhe. (Psalme ya 2:4-8) Yesu u ḓo vhofholola vhashai nahone a fhelisa u tsikeledzea na vhuvemu.—Vhalani Psalme ya 72:8, 12-14.

Samusi zwo dzula zwo ambiwa, Yesu ane a vha “Ṋe-mulalo” u ḓo ita uri ḽifhasi ḽi vhe na mulalo na u tsireledzea. Nga zwenezwo, vhoṱhe vhane vha dzula kha ḽifhasi vha ḓo vha na haya havho, vha takalela mushumo u fushaho nahone vha vha na zwiḽiwa zwinzhi.—Vhalani Yesaya 9:5, 6; 65:21-23.