Nga 2023, vhaḓivhi vha zwa mutakalo vho ṱhogomela uri vhuludu ndi thaidzo khulwane ya mutakalo ine vha tea u i dzhiela vhukando. Naa yeneyo thaidzo i a tandululea?

•   Vho Dokotela Vivek Murthy, vhane vha surgeon general wa Amerika vho ri: “Vhuludu na u ḓisendedza kule na vhaṅwe zwi nga vha khombo khulwane kha mutakalo washu nahone zwi nga ri dzhiela dakalo.” Fhedzi vho dovha vha ri: “Hu na zwine ra nga zwi ita.” Ri nga ita mini? Nga u ita zwithu zwiṱuku ḓuvha ḽiṅwe na ḽiṅwe zwine zwa khwaṱhisa vhukonani hashu na vhaṅwe. a

 A ri ḓipfi ri na vhuludu fhedzi musi ro ḓisendedza kule na vhaṅwe. Vhaṅwe vha nga ḓipfa vhe na vhuludu musi vhe vhukati ha vhaṅwe. Bivhili i nga ri thusa hu sa londwi zwine zwa ita uri ri vhe na vhuludu. I na nyeletshedzo dzi shumaho dzine dza nga ri thusa u khwaṱhisa vhukonani hashu uri ri si ḓipfe ri na vhuludu.

 Ivhani muthu ane a kona u davhidzana na vhathu zwavhuḓi. Zwenezwi zwi katela u amba nḓila ine na ḓipfa ngayo na u thetshelesa musi vhaṅwe vha tshi amba nḓila ine vha ḓipfa ngayo. Musi ni tshi sumbedza muṅwe muthu uri ni na ndavha nae, vhukonani ha vhoiwe vhu a khwaṱha.

•   Zwine Bivhili ya amba: “Ni songo lavhelesa zwaṋu fhedzi, ni lavhelese na zwa vhaṅwe.”—Vhafilipi 2:4.

 Ivhani na khonani dzo fhambananaho. Ḓiimiseleni u vha khonani na vhathu vhane vha vha vhahulwane kana vhaṱuku kha inwi kana vha vhubvo kana vha lushaka lwo fhambanaho na lwaṋu.

•   Zwine Bivhili ya amba: ‘Ni funane.’—2 Vhakorinta 6:13.

 U itela u wana mafhungo o engedzeaho nga ha nḓila ine ra nga khwaṱhisa ngayo vhukonani hashu na vhaṅwe, vhalani thero ine ya ri “Satisfying Our Hunger for Friendship.”