Kha New York Times nga dzi 17 June 2024, Vho Vivek Murthy vhane vha vha dokotela ngei Amerika vho amba uri: “Vhaswa vhanzhi ṋamusi vha na vhulwadze ha muhumbulo nahone ro ṱhogomela uri zwine zwa khou vhanga zwenezwo nga maanḓa ndi social media.”

 Vhabebi vha nga tsireledza hani vhana vhavho kha khombo dza social media? Bivhili i nga vha thusa.

 Ṱhogomelani zwine Bivhili ya zwi amba.

 “Wa vhuṱali u elekanya nga ha zwine a ḓo zwi ita.”—Mirero 14:15.

 Nga nṱhani ha uri social media i nga vha na ṱhuṱhuwedzo mmbi kha vhana, vhabebi a vho ngo tea u pfa u nga vha khou kombetshedzea u tendela vhana vhavho vha tshi i shumisa. Musi ṅwana waṋu a sa athu u thoma u shumisa social media, itani vhungoho ha uri o no aluwa lune a ḓo kona u thetshelesa milayo ye na mu vhetshela yone ya tshifhinga tshine a tshi fhedza e kha social media, u ḓo kona u bvela phanḓa e na khonani dzavhuḓi nahone u ḓo iledza zwithu zwi si zwavhuḓi zwine zwa vha kha social media.

•   U itela u wana zwinzhi nga ha enea mafhungo vhalani thero “Should My Child Use Social Media?” na “Teaching Your Teenager Social Media Safety.”

 “Ni shumise tshifhinga tshaṋu nga vhuṱali”—Vhaefesa 5:16.

 Arali na tendela ṅwana waṋu uri a shumise social media, mu vhetsheleni milayo nga ha nḓila ine a tea u i shumisa ngayo nahone ni mu ṱalutshedze uri yeneyi milayo i ḓo mu thusa hani uri a dzule o tsireledzea. Ni ṱhogomele tshanduko dzine dza nga vha hone kha ṅwana waṋu u itela u vhona arali a tshi tea u bvela phanḓa a tshi shumisa social media kana hai.

•   Shumisani vidio ya zwipopayi zwi oliwaho Ni Thanyele Zwa U Davhidzana nga Inthanethe (Social-Network) u itela u thusa vhana vhaṋu u pfesesa uri ndi ngani vha tshi tea u langa nḓila ine vha shumisa ngayo social media.

 Bivhili i ri ri khou tshila zwifhingani “zwi lemelaho zwi konḓaho u sedzana nazwo.” (2 Timotheo 3:1-5) Bivhili i dovha ya ri vhudza zwithu zwine zwa nga ri thusa uri ri kone u konḓelela zwenezwi zwifhinga. Hu na thero dzi fhiraho 20 dzo thewaho Bivhilini dzine dza nga thusa vhabebi na vhana vhavho dzi wanalaho kha heyi thero i ambaho nga ha vhaswa na vhulwadze ha muhumbulo.