LESSION 26
Parché che sucede robe rugne?
Quando sucede una bruta roba, arquante persone le se domanda: “Parché che ga sucedesto una roba cossita?” L’è bel saver che la Bìblia la ne dà la risposta.
1. Parché che ga scominsià a suceder robe rugne nel mondo?
Sàtana, el Diaol, no’l ga pi volesto obedir a Dio. Lu el volea che le persone le adorasse a lu e nò a Dio. Alora, Sàtana el ga fato Adon e Eva ndar drio a lu. Come che Sàtana lo ga fato? Lu el ga contà la prima busia. (Génesi 3:1-5) Lu el ga dito a Eva che no la ndaria morir. Alora, Eva la ga pensà che Dio l’era drio tegner qualcossa de bon sol par lu. Sàtana el ga anca fato Eva pensar che le persone le saria pi felice se no le fusse obediente a Dio. Par quela che la Bìblia la dise che Sàtana l’è un busier e el pare dela busia. — Gioani 8:44.
2. Cossa che Adon e Eva i ga scoliesto far?
Geovà l’è stà tanto generoso con Adon e Eva parché el ghe gavea dato tanto de magnar. Geovà el ghe ga sol domandà che no i magnesse i fruti de una dele piante. (Génesi 2:15-17) Ma Eva no la ga mia obedio a Geovà, parché la ga magnà el fruto de quela pianta. Dopo, anca Adon lo ga magnà. (Génesi 3:6) Lori i ga scoliesto desobedir a Geovà. L’era fàcile par lori obedir parché i era perfeti. Adon e Eva i ze restadi contra el governo de Dio, e cossita, i ga patio tanto. — Génesi 3:16-19.
3. Cossa che ga sucedesto con noantri par via de quel che Adon e Eva i ga fato?
Quando Adon e Eva i ga desobedio a Dio, lori i ga assà de esser perfeti. Cossita, anca i so fioi no i podea esser perfeti. La Bìblia la dise che, par via de Adon, tuti i ga el pecato e i more. — Romani 5:12.
Noantri anca sofrimo par causa dele scólie che femo o che i altri i fà o parché semo nel posto sbalià nela ora sbaliada. — Ledi Eclesiasti 9:11.
IMPARA DE PI!
Come che savemo che no l’è Dio che el fà le robe rugne suceder? Come che Dio el se sente quando sucede robe rugne?
4. Chi che fà le persone sofrir?
Tante persone le crede che l’è Dio che el governa el mondo. Sarà che l’è pròpio cossita? Vardé el VÌDEO.
Ledé Tiago 1:13 e 1 Gioani 5:19, e dopo, parlé sora questo:
-
Sarà che l’è Dio che el fà le persone sofrir?
5. Sarà che Sàtana l’è drio governar polito?
Ledé Génesi 3:1-6, e dopo, parlé sora questo:
-
Che busia Sàtana el ga dito? (Vardé i versìcoli 4 e 5.)
-
Parché che Eva la ga pensà che Dio l’era drio tegner qualcossa de bon sol par lu?
-
De acordo con quel che Sàtana ga dito, sarà che le persone le ga bisogno de Dio par esser felice?
Ledé Eclesiasti 8:9, e dopo, parlé sora questo:
-
Ghemo imparà che no l’è Geovà che l’è drio governar el mondo. Cossa che sucede par via de questo?
-
Adon e Eva i era perfeti e i vivea nte un paradiso. Ma lori i ze ndati drio a Sàtana e i ga desobedio a Dio
-
Dopo del sbàlio de Adon e Eva, le persone le ze imperfete, le sofre e le more
-
Geovà el ndarà finir cola morte e el sofrimento, e le persone le ndarà viver perfete nte un paradiso
6. Geovà el resta disgustà de vederne sofrir
Sarà che Geovà el resta disgustà de vederne sofrir? Vedemo quel che el rè Davi e el apòstolo Piero i ga dito. Ledé Salmo 31:7 e 1 Piero 5:7, e dopo, parlé sora questo:
-
Come mostra i testi, Geovà el resta disgustà de vederne sofrir e el vol giutarne. Come che te te senti de saverlo?
7. Geovà el va finir fora con tuto quel che ne fà sofrir
Ledé Isaia 65:17 e Apocalisse 21:3, 4, e dopo, parlé sora questo:
-
Parché che l’è bon saver che Geovà el ndarà finir fora con tuto quel che ne fà sofrir?
Seto questo?
Quando Sàtana el ga dito la prima busia, lu el ga fato i altri pensar che Geovà no’l governa con giustìssia e con amor. Ma presto, Geovà el ndarà finir fora con tute le robe rugne che ghen’è e el ndarà provar a tuti che l’è el meio governante. Cossita, tuti i saverà che quel che el Diaol el ga dito sora Geovà l’è una busia. Provar che Geovà el governa con giustìssia e amor la ze la roba pi importante che ghen’è. — Mateo 6:9, 10.
FURSI TE GHÈ BELCHE SCOLTÀ: “Dio el ne fà sofrir parché l’è drio provarne.”
-
Cossa che te podarissi parlar?
COSSA CHE TE GHÈ IMPARÀ?
Noantri sofrimo par via de quel che Sàtana, Adon e Eva i ga fato. Ma Geovà el resta tanto disgustà de vederne sofrir. Par quela che presto el ndarà finir fora con tute le robe rugne che ghen’è.
Sito bon de ricordarte?
-
Che busia el Diaol el ga dito a Eva?
-
Cossa che l’è drio suceder con noantri par causa de quel che Adon e Eva i ga fato?
-
Come che savemo che Geovà el resta disgustà de vederne sofrir?
VUTO SAVER DE PI?
De acordo cola Bìblia, cossa che l’è el pecato?
Impara de pi sora la busia che Sàtana el ga dito nel giardin del Èden.
“Parché che Dio el assa le persone sofrir?” (La Sentinela, 1 de genaro de 2014)
Varda parché che Geovà el ga assà che sucedesse una roba tanto bruta. Saverlo ndarà darte consolo.
“Parché che Dio el ga assà suceder el Olocausto?” (Varda nel jw.org)
Cossa che un omo el ga imparà cole dificoltà che el ga infrontà?
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
