Dio el pol veder tuto. Anca, lu el pol far tuto quel che el vol in qualche posto. (Proverbi 15:3; Ebrei 4:13) Ma la Bìblia no la insegna che Dio l’è onipresente, o sia, che lu l’è in tute le robe e in tuti i posti al medèsimo tempo. Invesse, la Bìblia la insegna che Dio l’è una persona e che l’è de star nte un posto sol.

•   Come l’è Dio: Dio l’è un spìrito. (Gioani 4:24) I umani no i pol veder Dio. (Gioani 1:18) Le vision sora Dio che catemo ntela Bìblia le ne mostra che lu l’è de star nte un posto sol. La Bìblia mai la dise che lu l’è in tuti i posti. — Isaia 6:1, 2; Apocalisse 4:2, 3, 8.

•   El posto de star de Dio: Dio l’è de star ntel mondo spiritual, che l’è un posto difarente del Universo fìsico ndove semo de star. L’è in questo mondo spiritual che Dio el ga un “posto de star, i cieli.” (1 Rè 8:30) La Bìblia la parla de una volta in che i àngeli “i ze rivadi davanti de Geovà,” a e questo mostra che Dio l’è de star nte un posto sol. — Giò 1:6.

Se Dio no l’è in tuti i posti, sarà che lu l’è bon de tender de mi?

 Si. Dio el se importa tanto con tute le persone. Anca se lu l’è de star ntel mondo spiritual, Dio l’è atento a tuti quei che i vol far quel che ghe piase a lu, e Dio el giuta queste persone. (1 Rè 8:39; 2 Cróniche 16:9) Varda come che Geovà el mostra che el se preocupa coi so servi fedeli:

•   Quando ti te preghi: Geovà el pol scoltar le to orassion ntela medèsima ora che te sì drio farla. — 2 Cróniche 18:31.

•   Quando te si avelio, o deprimido: “Geovà l’è darente de quei che i ga el cuor pien de tristessa. Lu el salva quei che i ze desanimadi.” — Salmo 34:18.

•   Quando te ocore orientassion: Geovà el ‘te darà perspicàssia e el te istruirà’ par meso dela so Parola, la Bìblia. — Salmo 32:8.

Idee sbaliade sora la onipresensa

 Idea sbaliada: El Salmo 139:8 parla che Dio l’è onipresente, parché dise: “Se mi ndesse su al cielo, ti te sarissi lì. E se mi me butesse do nel Sepolcro, fin pròpio lì te sarissi ti!” — Salmo 139:8.

 Verità: Questo versìcolo no’l parla sora Dio star in tuti i posti. El versìcolo parla, in forma de poesia, che Dio el pol giutarne, no importa mia ndove semo.