ATTHU AKINA ANIKUPALI WIRA hiyo ninnivikaniha okhala akumi opuro mukina nuumala okhwa; akina anikupali wira okhwa omala wa itthu sotheene. Ankhi nyuwo?

ELE BIIBILIYA ONIHIMYA AWE

“Alipa-òkhwa khansuwela-tho etthu”. (Musuweli 9:5) Vaavo ninkhwa ahu okumi ahu onnimala.

EXEENI-THO BIIBILIYA ONIHIMYA AWE?

• Mutthu oopacerya, Adamu, aapakiwe ni “etthaya vakhani ya vathí”, nto nuumala okhwa aatthikenle vatthayani vaavo. (Maphattuwelo 2:7; 3:19) Vamosaru, atthu otheene anikhwa antthikela muntthupini.​—Musuweli 3:19, 20.

• Atthu yaale anikhwa annaakiheriwa etampi, aahiiso oleveleliwa itampi saya. (aRoma 6:7) Khuuvo mutthu onihaaxiwa nuumala okhwa.

NIIREKE MUNAAKHULA WIRA . . .

• Aayo

• Nnaari

• Woonasa wene

ELE BIIBILIYA ONIHIMYA AWE

Atthu akhwiiye anrowa ‘ohihimuwa mokhwani’.​—Miteko 24:15.

EXEENI-THO BIIBILIYA ONIHIMYA AWE?

• Biibiliya onihimya wira okhwa onlikana ni orupa. (Yohani 11:11-14). Muluku onimwaavenxa atthu akhwiiye, ntoko siisaale nninvenxa ahu mutthu onrupa.​—Yobi 14:13-15.

• Biibiliya onnaalavula atthu anceene yaahihimuxiwe, nto eyo enninikupaliha wira atthu akhwiiye anoohihimuxiwa​—1 Mamwene 17:17-24; Luka 7:11-17; Yohani 11:39-44.