Masaalimu 87:1-7
-
OSiyoni ti muttetthe wa Muluku eekeekhai
-
Ale ayariwe oSiyoni (4-6)
-
Nsipo na osuulu wa Kora.
87 Muluku ooteka epooma awe muttetthe wa miyaako soowaarya.
2 Yehova onnimusivela oSiyoni,*Ovikana mapuro ootheene a wIsarayeli.*
3 Nyuwo epooma ya Muluku eekeekhai!
Sinnilavuliwa itthu sootikiniha muhimmwaka nyuwo. (Selahi)
4 Kinoomuromola Rahabi ni Babiloonia, eriyari ya atthu anikisuwela;Afilisti, atiiro, ni akuuxi, ari ekurupu ya atthu anikisuwela.
Vanrowa ohimmwaka wiira: “Awo ayariwe weiwo”.
5 Nave oSiyoni vanrowa ohimmwaka wiira:
“Atthu ootheene ayariwe ni yoowo”.
Nave Muluku Muulupalexa, onrowa omulipiha yoowo.
6 Okathi onrowa aya olempwaka atthu,
Yehova onoomuhimya khula mmosa a yaawo, iiraka:
“Ola oyariwe weiwo”. (Selahi)
7 Ale aniipa ni ale aniina, anoohimyaka wiira:
“Para miyo, nyuwo mwa maphattuwelo a itthu sootheene sooreera”.
