Ninnooxukhurelani mwaha wooviriha okathi musomaka ebroxura ela wira mwaasuwele saana Anamoona a Yehova, osuwela muteko ahu, ni wiixutta sa nikhuuru nahu nootthokiheya. Ninnikupali wira ebroxura ela ehookhaliheryani woona wira hiyo ninnipaka yootthuna ya Yehova olelo. Ninnootumereryani ovikaniha wiixutta moolumo a Muluku, waaleela amusi anyu ni apatthani anyu ele muniixutta anyu ni orwa woona mithukumano sahu sa eKristau.—aHéberi 10:23-25.

Akhala wira munoovikaniha wiixutta voohimya sa Yehova, munootepaka woona wira owo onnoophentani tthiri. Nto siiso, munoowerya opaka khula etthu muniwerya anyu wira ni nyuwo mumphente. (1 Yohani 4:8-10, 19) Masi mpakeke exeeni wira mooniherye omphenta wanyu Muluku? Enookupalihani exeeni wira wiiwelela sooruma sa Muluku etthu yootthuneya? Ni exeeni enrowa wookhaliheryani ophavela opaka yootthuna ya Muluku ni hiyo? Nto ole onoosomihani Biibiliya onrowa ohakalala wiiwa waakhula wanyu wira nyuwo ni etthoko anyu ‘mukhale mophentani mwa Muluku, muroromelaka ekumi yohimala’.—Yuda 21.

Moohakalala ninnoolattulani wira nvikanihe wiixutta sa Muluku eekeekhai musomaka eliivuru ela enittharelana eni “Mukhaleke Mophentani Mwa Muluku”.