SINTTA HUUPHE YOHUWAA | YIHOOWA MARKKATI OONEE?
Nuuni Sabbakiyoy Aybissee?
Nuuni sooppe soo biidi, ogiyaaninne asi deˈiyoosan ubban sabbakiyoogan erettoos. Nuuni hegaadan oottiyoy aybissee?
Yihoowa Markkati sabbakiyoy Xoossaa bonchanaassanne a sunttaa asawu erissanaassa. (Ibraawe 13:15) Yesuus Kiristtoosawukka azazettana koyoos; i, “Intte biidi, asa ubbaa tana kaalliyaageeta oottite; . . . taani inttena azazidobaa ubbaa eti naagana mala, eta tamaarissite” yaagiis.—Maatiyoosa 28:19, 20.
Qassi nu shoorotakka siiqoos. (Maatiyoosa 22:39) Daro asawu a buzo haymaanootee deˈiyoogaanne nu yootiyoobaa siyiyay ubba asaa gidennaagaa eroos. Gidikkokka, Geeshsha Maxaafay yootiyoobay shemppo ashshiyaaba gidiyoogaa akeekoos. Nuuni koyro xeetu layttan deˈida Kiristtaanetuugaadan aggennan ‘Kiristtoosabaa tamaarissiyoynne yootiyoy’ hegaassa.—Oosuwaa 5:41, 42.
Deretettaabaa xannaˈiya Anttoniyo Kova Maduro giyo bitanee “Yihoowa Markkati daro baaxiyaaninne daafuran . . . , geeshsha qaalaa yootanawu saˈaa gaxaa gakkanawu biyoogaa” yootiis.
Nu xuufiyaa nabbabiyaageetuppe daroti Yihoowa Markkata gidokkona. Qassi nunaara Geeshsha Maxaafaa xannaˈiya, miilooniyan qoodettiyaageeti hara haymaanootiyaa kaalliyaageeta. SHin Yihoowa Markkati haasayissido gishshawu eti ufayttoosona.
Yihoowa Markkata xeelliyaagan neeyyo hara oyshaykka deˈana danddayees. Zaaruwaa demmanawu kaallidi deˈiyaagaadan oottanaadan minttettoos:
-
Issi Yihoowa Markkaa oycha.
-
Nu sayttiyaa, www.pr2711.com xomoosa.
-
Ubba asay miishsha qanxxennan shiiqiyo nu shiiquwaa shiiqa.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Atotettaa Demmanay Bantta Xalla Giidi Qoppiyoonaa?
Geeshsha Maxaafay atotettaa demmana danddayiyay oonakko yootees.
ASAY DAROTOO OYCHIYO OYSHATA
Yihoowa Markkatu Giddon, Haggaaziya Maccaageeti Deꞌiyona?
Yihoowa Markkati kumetta saꞌan oottiyo sabbakiyo oosuwa maccaageeti waati maaddiyonaa?
ASAY DAROTOO OYCHIYO OYSHATA
Yihoowa Markkati Haratu Ammanuwaa Bonchchiyoonaa?
Bonchchiyoogee tumu Kiristtaaneta waatidi shaakki erissiyaakko era.
