‘Tuminkery kazuwaytipan nii karikeunan naꞌik karikeunan!’— Revelation (Apocalipse) 11:15, Kaimanaꞌo Tominkaru Paradan.

‘Karikeunanyꞌu nii ykingtinpen . . . aunaa naꞌapainim nii ykatukuntinhan.’ — Luke (Lucas) 1:33, Kaimanaꞌo Tominkaru Paradan.

Wyryy Tuminkery Naubunaitinpen . . .

• tyryy ykaminkeꞌytan pymaxaap kiz kaimen aizii. — Romans (Romanos) 15:4.

• diinheꞌitiꞌi ytaan nii kunaykiikery, aunaꞌu nii naa naꞌapainim baitinkery pawaꞌa. — Revelation (Apocalipse) 21:3, 4.

Uu tyryy, diaytam aimeakan dikin ii:

• Disu xaꞌapat ymanawyn kidiaꞌu aimeakan, Tuminkery Naubunaitinhan dun kapam. Disu tuminhap kid papuchurynau Tuminkery Naubunaitinhan daꞌy. (Matthew [Mateus] 6:9, 10) Marii kiz ynaubunaitinpen xaꞌapan daꞌaa imiꞌi baaraꞌa kapam. Disu tuminhap kid naꞌapam nii yxaꞌapan, yryy turinhapkary kawan at.

  Disu maxaapankan dun daꞌaa imiꞌi baaraꞌa, ypaanii pidiannau, ykakyd karinhanhau naꞌik ykadixitkid maukainhau. (Matthew [Mateus] 15:29-38; John [João] 11:38-44) Wyryy Disu xaꞌapat nii kaimen kidiaꞌu naꞌik maskaydaꞌuraz imiꞌi baaraꞌa. Mazan naꞌapaꞌu nii yxaꞌaptan diinheꞌitiꞌi pidiannau at, maxaapaꞌu niꞌuraz Tuminkery Naubunaitinpen dun. — Revelation (Apocalipse) 11:15.

• Ipei wyryy aimeakan xaꞌapaꞌuraz ipei amazada ii aka aid maunapataꞌa naa Tuminkery Naubunaitinpen. Disu kuwadnii Tuminkery Naubunaitinpen iaꞌii, ipei amazada kawan at, uii kidiaꞌu xaꞌapan nii, mizaataakary, zamazkery naꞌik kichanaꞌitikiaꞌu imiꞌi baaraꞌa nakainhan nii. — Matthew (Mateus) 24:3, 7.

  Aizii, watykap ipei xaꞌapan naꞌap, yryy id, wamixid kiz, naꞌapam nii Tuminkery Naubunaitinpen mainhaabatan ipei baitinkery.