Kainhaꞌa kakinhaurii kid pidiannau aichiap kinha nii naꞌapam kiz paxaꞌapatinhan innhikynyy kaxaꞌuran dun pamarainhapnii maukan id. Pabiꞌi kid kakinhaurii pauwaꞌa zii manawyn inkaminkeꞌytan. Yxaꞌapan naꞌap, yxaꞌapanym kayꞌan, ipei naꞌiauram pidian kaxaꞌuran panaꞌa kidiaꞌu idiaꞌan. Ykayꞌan kainhaꞌa aimeakan xaꞌapaꞌu pidian tym mazan aunaa yxaꞌapan naꞌap bauran pidian at.

Mazan pabiꞌi kid kakinhaurii kaminkeꞌytniꞌi naa dirib pidiannau. Wyryy kakinhaurii kid daaktaanhau taaniaz, naꞌap kakinhaurii kid kawynyꞌu ikudkariweiz Tuminkery Paradan Karichiannaa idiaꞌa.

• Daaktaanhau kian ymanawynyꞌu wyryy kakinhaurii taakariweiz pidian at yaichiap kinha nii naꞌapam kiz paxaꞌapatinhan panhikynyy kaxaꞌuran pyꞌy. Mazan panaadun pybaurantinhaꞌu piaiapinhan naꞌik kaxaydaꞌy pinhikynyy pidiannau at tiweyzunhawyz pakaminkeꞌytan pygary. Ykadyz pidian abatinpeꞌazun naꞌap.

• Aunaa pidiꞌitinpeꞌanaꞌa, pynaꞌazun daꞌy karikeunan pidiannau tym, mazan aunaa pybaurantinpeꞌanaꞌa manawyn. Yxaꞌapanym kayꞌan panaadun piaipen nii pykaminkeꞌytkau. Pykuwad baurainhau at kanum piaipen naꞌik kanum aunaꞌu piaipen. Mazan pykuwad kiz in at kaimenaꞌu idiaꞌan.

• Pygaryꞌu nii aichiap pybaukuptinhaꞌazun pidiannau tym uu pynaꞌazun pybaurantin.

TUMINKERY KARICHIAN KIAN: “Kaimenaꞌu nii zii ydiaytamyn ybaydapan ai. Yxaꞌapanym kayꞌan baydapaꞌu wautan dun bauran kaminkeꞌytan nii ykadixichan pauwaꞌa it.” — Ecclesiastes (Eclesiastes) 4:9, 10.

• Piniken dun kaimenaꞌu wanhikynyi ymaꞌuzakadan nii pynanaa. Pinik pabinaꞌak kidiaꞌu pauribei aka, pauribei yyt, kyryky dynaa naꞌik kupay.

• Pytyz kiz tybary wyn, aunaa kiz pytyzan tyykii bixaꞌu manawyn.

• Aunaa dun pyzamazin, mazan pitiwee kiz piniken maskaydaꞌy suꞌu kid. Pypixaa kasarai daaktaa at pytyzan nii maꞌuzakadaꞌu nii pynanaa. a

• Pymaꞌuzkainpen naꞌik pidimentinhan dun, kaimenaꞌu nii pyꞌat pidiꞌitinhap kiz kanum xaꞌapaꞌu py tym naꞌik pymanhikynyyt kiz kanum kaxaꞌuradpaꞌu pinhikynyy.

TUMINKERY KARICHIAN KIAN: ‘Mixi aunaa naꞌiauram zii pidian tuꞌurkizaichipan pananaa. Mixiꞌuraimen kaimen paꞌan ytaapanyzy.’ — Ephesians (Efésios) 5:29.

• Daꞌaukary yryy ymanawynyꞌu, mazan pauwaꞌa zii manawyn pidian kaxaꞌurtinhaꞌuraz at, yxaꞌapanym kayꞌan puwaꞌaꞌu zii ynanaa mizainhan.

• Pyzaidin kiz naꞌapam ytybaryn pytyzan café uu kaziweꞌu riwyni ytuwaydaꞌan nii pydaꞌauwyꞌyzun.

TUMINKERY KARICHIAN KIAN: “Kaimenaꞌu wyryy suukapkary maskaydaꞌy kaydinkery ai tyykii manawyn, ikudazuꞌu pidian kudaypan kawynyꞌu awary.” — Ecclesiastes (Eclesiastes) 4:6.

• Piaichiap kiz ipei pidian kaxaꞌuran panaꞌa kidiaꞌu idiaꞌan, yryy id in aichiap naꞌapam kiz paxaꞌapatinhan pakaxaꞌuran dun. Piaichipan nii naꞌiauram kaimenaꞌu ykaminkeꞌytan pygary.

• Dirib pidiannau in abatinpen kaimen inkuwadan dun pakaxaꞌuran daꞌy baurainhau at. Mazan baurainhau aunaa ynaydpan pakuwadan naꞌapam pa abatinpen. Daaktaanhau pabinaꞌak kid inkuwadan naꞌap kidiaꞌu daꞌy. Pykuwadaꞌazun naꞌapam pyabatinpen, mazan panaadun pytarian uu pikibezun, tyryy pykuwadan kunaydaꞌy idiaꞌan maskaydaꞌy kid pyminhaydaꞌy at.

• Pabiꞌi kid pidiannau at, kaimen in abatinpen inzaadan dun, mazan baurainhau at kaimen kapam in abatinpen aunaa pyꞌy inzaadan.

TUMINKERY KARICHIAN KIAN: “Ipei pidian aichiap naꞌapauram ykaziween uu ykaxaꞌuran padubatapnii panhikynyy ii.” — Proverbs (Provérbios) 14:10.

• Pabiꞌi kid pidiannau tyykii intyzpan pamainhabatap kinhaa nii pakaxaꞌuran, uu intyz dirib kasarai uu insuumatpan maꞌuzkaꞌu suum, mazan suu inpatakaꞌyan pananaa. Panaadun kaimen yabatinpen yryy dun karikeunan, mazan ydaynaꞌan pauwaꞌu nii zii dikeydaꞌu xaꞌapan yꞌat. Ykayꞌan pidian nhikynyy kaxaꞌuran dun, kaimenaꞌu nii ytiween dun paxaꞌaptan kaimenaꞌu aimeakan.

TUMINKERY KARICHIAN KIAN: ‘Wamyydaꞌa naa ipei uiaꞌu patakaꞌyaꞌuraz wananaa uu wadurunaa.’ — 2 Corinthians (2 Coríntios) 7:1.

• Aunaa yxaꞌapan pydubatpan dun aimeakan kaxaꞌuraꞌu, mazan pitiwee pyxaꞌaptan aimeakan pykunaykii kinhaa nii kapam. Dirib pidiannau maꞌuzkadkau inxaꞌapatinhan id naꞌap.

• Pybaukuptinhan pyminhaydaꞌynau tym, piaichipan pidiannau aunaꞌuraz zii piaichipayzun, uu pyxaꞌaptan bauran aimeakan pykunaykii kinha nii kaminkeꞌytaꞌu nii piabatinpen kaimen.

• Ydaynaꞌan piabatan nii naꞌapam piabatinpen kunaykii pykaxaꞌuran daynaꞌan. Mazan pytykpan nii naꞌapam pi ikudan puwaꞌaꞌu zii kunaykiikery pydubatnii kaxaꞌuraꞌu ai.

TUMINKERY KARICHIAN KIAN: “Kainhaꞌa kamuu ipei aimeakan xaꞌapat kinhaꞌu niꞌu; . . . kainhaꞌa kamuu pyzaadan, kainhaꞌa kamuu pyxazutinhan, kainhaꞌa kamuu pykaxaꞌuran naꞌik kainhaꞌa kamuu pykunaypan.”— Ecclesiastes (Eclesiastes) 3:1, 4.

• Aunaa pyzaidipaꞌanaa tumanaꞌiki, pyxaꞌapat pauwaꞌa it pyxaꞌapapayznii kid.

• Pydaꞌau kaimen naꞌik pyxaꞌapat pabiꞌinak kidiaꞌu kaydinkizai. Pyxaꞌapatinhan dun naꞌap kaimenaꞌu nii piabatinpen pauwaꞌa it.

• Pyxaꞌapat kiz pabiꞌinak kidiaꞌu kaydinkizai pymainhabatap kinha nii pykaxaꞌuran.

TUMINKERY KARICHIAN KIAN: “Aunaꞌu nii pidiꞌitinpen tyykii pydubatapnii daꞌy ipei kamuu, yxaꞌapanym kayꞌan kainhaꞌa ymanawynyꞌu kunaykiikery waꞌatiꞌuraz mixiꞌuraz Tuminkery diꞌik.” — Ecclesiastes (Eclesiastes) 5:20.

• Dirib pidiannau xaꞌapataꞌakan kadimen aimeakan pairiben maukan daynaꞌan, mazan ydaynaꞌan kaxaꞌur innhikynyy paxaꞌapatnii daꞌyan.

• Yryy id, kaimenaꞌu nii pyzaidipan zii aunaa kiz pyxaꞌaptan aimeakan maꞌaichiapinhakadayn kadimen aka manawyn, kaikepaꞌa, pywaꞌakakan naa pydap, pykudichaꞌakan naa pykaydinkiz diꞌik, pytaabiaꞌakaꞌa naa uu pykabutaꞌakaꞌa naa maukaꞌu xaꞌapayz.

TUMINKERY KARICHIAN KIAN: “Aichipaꞌu pidian ydiꞌitinhap kaimen paxaꞌapatinhan iaꞌii, yryy id yikudan nii kaimen kidiaꞌu aimeakan paꞌat, mazan pidiannau xaꞌapatinhenhawyz maꞌaichiapinhakadayn in ikudan patakaꞌytinkery paꞌat.” — Proverbs (Provérbios) 21:5.

• Dirib pidiannau naydap paxaꞌaptan aimeakan panhikynyichap kinha nii pairiben maukaꞌuraz.

• Panaadun kaimenaꞌu nii dikinii taapkau uu pysaadan kanum ynau xaꞌapatayznii baukup aunaa kiz pymanhikynyytan.

• Pytaap aimeakan pinhikynyichap kinha nii pi iriben maukaꞌuraz kunaykii kidiaꞌu nii pygary pytykpan dunuz.

TUMINKERY KARICHIAN KIAN: “Pinhikynyichap aimeakan kutyꞌaꞌuraz naa yxaꞌapan kid.” — Deuteronomy (Deuteronômio) 32:7.

• Pidiꞌitinhap pysuꞌut kiz maskaydaꞌy amazada pymuruwayt kinha nii pi iribennau diꞌit.

• Tyryy pydubtan baydap uu diaytam kamuu in tym, tyryy pymakun makinhautinkizai it, ywaꞌuz it, uu pymuruwaytan bauran wizai it aunaꞌuraz zii pytykpayzun.

• Pyxaꞌaptan dun aimeakan aunaꞌuraz pyxaꞌaptayzun, aunaꞌu nii pinhikynyy kaxaꞌurtinhan manawyn.

TUMINKERY KARICHIAN KIAN: “Wamaku amazada it pidiannau ai, ysuukap kiz maskaydaꞌy naꞌii.” — Mark (Marcos) 6:31.

• Pyxaꞌaptan dun aimeakan pykaminkeꞌyt kinha nii baurainhau, kaimenaꞌu nii piabatinpen.

• Tyryy pykaminkeꞌytan pidian maukaꞌuraz iriben naꞌik yminhaydaꞌynau kaxaꞌurtinheinhawyz. Panaadun inkadakuinpeꞌazun pidian tym dubatpaꞌuraz kaxaꞌuraꞌu naꞌap paygary kawan.

• Pykaminkeꞌytan dun naꞌik pymaꞌuzakadan dun baurainhau pi ikudan nii kunaykiikery puwaa it.

TUMINKERY KARICHIAN KIAN: “Kunaykiaꞌu nii pidian minziiweꞌuraz ytaan aimeakan bauran pidian at, aimeakan taakau ai paꞌat.” — Acts (Atos) 20:35.

• Pidian pymarainhapnii maukan dun diꞌitinhap kidian nii pygary kanum kiz pyxaꞌapat.

• Pidiꞌitinhap naꞌapam pymaxaapan.

• Ykainhan dun ymanawynyꞌu aimeakan pysabaa kinhaa nii pymaxaapan kadyz, pyxaꞌaptin kiziꞌi naa ykawan at.

TUMINKERY KARICHIAN KIAN: “Kaimenaꞌu nii makukary pidiannau diꞌit marapanhawyz pairiben maukan, makukary ai kunaykitinkizai it, yxaꞌapanym kayꞌan mauwakary yryy katukuntaꞌu pidian kakypan, kakypainhau aichiap kiz naꞌik intaap kiz panhikynyy ii.” — Ecclesiastes (Eclesiastes) 7:2.

Mixi, aunaa naꞌiauram pyxaꞌapatnii kid aimeakan mainhaabatan kaimendayn pydubatapniaz kaxaꞌur kidiaꞌu aimeakan. Mazan dirib pidiannau maukainhawyz in iriben, inmaꞌuzkadan panhikynyy in abatan id kakinhaurii diuraz karichi diꞌik. Mixi, diuraz karichi aunaa ykuwadan ipei naꞌapam nii xaꞌaptinkery pidian kaxaꞌuran dun pamarainhapnii maukan dun. Mazan pytiweinhan dun pyxaꞌapatinhan wyryy kakinhaurii kawan at, panaadun kaimenaꞌu nii piabatinpen.