Mga Salmo 104:1-35
104 Dadayawon ko* hi Jehova.+
O Jehova nga akon Dios, gamhanan ka hinduro.+
Nababadoan ka hin pagkaharangdon* ngan kadungganan.+
2 Napuputos ka han kalamrag+ sugad hin panapton;Imo gin-uunat an kalangitan pariho hin pantolda nga tela.+
3 Ginbubutangan niya hin mga biga an iya mga kwarto ha igbaw didto ha katubigan ha langit,*+
An mga dampog ginhihimo niya nga iya karuwahe,+Nga ginpapadalagan pinaagi han mga pako han hangin.+
4 Ginhihimo niya an iya mga anghel nga mga espiritu,An iya mga ministro nga nakakaugtang nga kalayo.+
5 Gin-establisar niya an tuna ha mga pundasyon hito;+Diri ito mababalhin ha hinmumutangan hito* ha kadayonan, oo ha kadayonan.+
6 Imo ito gintabonan hin hilarom nga katubigan pariho hin panapton.+
An katubigan linabaw ha bawbaw han kabukiran.
7 Ha imo pagsaway pinalagiw hira;+Ha aringasa han imo dalugdog nalilisang nga nandadlagan hira pahirayo
8 —An kabukiran naghitaas+ ngan an mga walog naghamubo—
Ngadto ha lugar nga imo iginpahamutang para ha ira.
9 Nagbutang ka hin tubtoban ngan diri hira sadang lumahos hito,+Ngan diri na gud nira sadang tabonan utro an tuna.
10 An mga burabod iya ginpapakadto ha mga walog;*Naawas hira ha butnga han kabukiran.
11 Nagtatagana hira hin tubig para ha ngatanan nga ihalas nga hayop ha tuna;An ihalas nga mga asno natatagbaw han ira kauhaw.
12 Nahapon ha bawbaw nira an katamsihan ha langit;Nagkakanta hira dida ha magrabong nga mga dahon.
13 Ginsasaribohan niya an kabukiran tikang ha iya mga kwarto ha igbaw.+
Ha bunga han imo mga buhat natatagbaw an tuna.+
14 Ginpapatubo niya an banwa para ha mga bakaNgan an mga tanom para magamit han katawohan,+Basi magpatubo hin pagkaon tikang ha tuna
15 Ngan hin bino nga nakakapalipay ha kasingkasing han tawo,+Hin lana nga nakakapainggat han nawong,Ngan hin tinapay nga nagsusustinir ha kasingkasing han mortal nga tawo.+
16 Tagbaw an kakahoyan ni Jehova,An mga sedro ha Lebanon nga iya igintanom,
17 Diin naghihimo hin mga salag an katamsihan.
An urukyan han tamsi nga sigwenya+ aadto ha mga kahoy nga abeto.
18 An higtaas nga kabukiran para ha mga kanding ha bukid;+An dagku nga mga bato arayopan para ha mga kuneho ha bato.+
19 Ginhimo niya an bulan basi magtigaman han itinanda nga mga panahon;An adlaw maaram gud kon san-o matutunod.+
20 Imo ginpapahinabo an kasisidman, ngan nagigin gab-i,+Kon san-o an ngatanan nga ihalas nga hayop ha kagurangan naglalakat-lakat.
21 An bata pa nga mga leon nauwang samtang may gindadakop hira+Ngan namimiling han ira pagkaon nga tikang ha Dios.+
22 Pagsisirang han adlaw,Nauli hira ngan nalukot ha ira mga taragoan.
23 An tawo napakadto ha iya trabaho,Ngan nagtatrabaho hiya tubtob ha gab-i.
24 Damu gud an imo mga buhat, O Jehova!+
Imo ginhimo ito ngatanan pinaagi han kinaadman.+
An tuna puno han imo mga hinimo.
25 Aada an dagat, nga daku ngan haluag hinduro,Puno han diri maihap nga buhi nga mga linarang, gudti ngan dagku.+
26 Dida nagbibiyahe an mga barko,Ngan an Leviatan,*+ nga imo ginhimo basi mag-uyag dida hito.
27 Hira ngatanan naghuhulat ha imo
Basi maghatag ha ira han ira pagkaon ha husto nga panahon.+
28 An imo ginhahatag ha ira, gintitirok nira.+
Kon imo ginbubuklad an imo kamot, natatagbaw hira han mag-opay nga mga butang.+
29 Kon imo gintatago an imo nawong, nababaraka hira.
Kon imo ginkukuha an ira espiritu, namamatay hira ngan nabalik ha tapotapo.+
30 Kon imo ginsusugo an imo baraan nga espiritu, nahihimo hira,+Ngan imo ginbabag-o an bawbaw han tuna.
31 An himaya ni Jehova magpapadayon ha waray kataposan.
Hi Jehova magrarayhak tungod han iya mga buhat.+
32 Iya ginkikita an tuna, ngan nangungurog ito;Iya ginkakaptan an kabukiran, ngan nag-aaso ito.+
33 Magkakanta ako kan Jehova+ ha bug-os ko nga kinabuhi;Magkakanta ako hin mga pagdayaw* ha akon Dios samtang buhi ako.+
34 Magin makalilipay unta ha iya an akon mga panhunahuna.*
Magrarayhak ako tungod kan Jehova.
35 An magpakasasala mawawara ha tuna,An magraot diri na maeksister.+
Dadayawon ko* hi Jehova. Dayawa hi Jah!*
Mga footnote
^ O “dignidad.”
^ O “han akon kalag.”
^ Lit., “ha katubigan.”
^ O “Diri ito mauuy-og.”
^ O “Magkakanta ako nga ginduduyogan hin mga instrumento.”
^ O posible nga “Magin makalilipay unta an akon ginpapamalandong mahitungod ha iya.”
^ O “han akon kalag.”
^ O “Hallelujah!” “Jah” an ginpahalipot nga porma han ngaran nga Jehova.
