Mga Salmo 146:1-10
146 Dayawa hi Jah!*+
Hinaot an akon bug-os nga pagkatawo* magdayaw kan Jehova.+
2 Dadayawon ko hi Jehova ha akon bug-os nga kinabuhi.
Magkakanta ako hin mga pagdayaw* ha akon Dios samtang buhi ako.
3 Ayaw pagsarig ha mga prinsipe*Ngan ha anak han tawo, nga diri makakahatag hin katalwasan.+
4 An iya espiritu* nagawas, nabalik hiya ha tuna;+Hito mismo nga adlaw an iya mga panhunahuna nawawara.+
5 Malipayon an tawo nga an iya parabulig amo an Dios ni Jacob,+Nga an iya paglaom aada kan Jehova nga iya Dios,+
6 An Dios nga naghimo han langit ngan tuna,Han dagat, ngan han ngatanan nga aada hito,+An Dios nga pirme matinumanon,+
7 Hiya nga naghahatag hin hustisya para ha mga ginlimbongan,Hiya nga naghahatag hin pagkaon ha ginugutom.+
Ginbubuhian ni Jehova an mga priso.*+
8 Gin-aabrihan ni Jehova an mga mata han mga buta;+Iginbabangon ni Jehova an mga binubug-atan;+Hinigugma ni Jehova an magtadong.
9 Ginpapanalipdan ni Jehova an dayo nga mga residente;Nagsusustinir hiya ha bata nga waray tatay ngan ha balo nga babaye,+Pero iya ginpapakyas an mga plano han magraot.*+
10 Hi Jehova magigin Hadi ha kadayonan,+An imo Dios, O Zion, ha ngatanan nga henerasyon.
Dayawa hi Jah!*
Mga footnote
^ O “Hallelujah!” “Jah” an ginpahalipot nga porma han ngaran nga Jehova.
^ O “an akon kalag.”
^ O “Magkakanta ako nga ginduduyogan hin mga instrumento.”
^ O “dungganon nga mga tawo.”
^ O “gininhawa.”
^ Lit., “mga ginapos.”
^ O “ginbabaliko an dalan han magraot.”
^ O “Hallelujah!” “Jah” an ginpahalipot nga porma han ngaran nga Jehova.
