May mga tawo nga natoo nga diri nakikita han Dios an aton pag-antos o diri hiya napaid hito.

• Nakikita ito han Dios ngan napaid hiya hito

  “Nakita ni Jehova nga duro an karaotan han tawo ha tuna . . . , ngan nasubo an iya kasingkasing.”​—Genesis 6:5, 6.

• Tatapuson han Dios an tanan nga pag-antos

  “Diri na mag-iiha, ngan an magraot mawawara na; imo kikitaon an ira hinmumutangan, pero waray na hira didto. Pero an mga maaghop magtatag-iya han tuna, ngan magmamalipayon hira hinduro tungod han hura nga kamurayawan.”​—Salmo 37:10, 11.

• Kon ano an karuyag han Dios para ha imo

  “‘Maaram gud ako han akon mga ginhuhunahuna para ha iyo,’ nasiring hi Jehova. ‘Karuyag ko magkaada kamo hin kamurayawan, diri hin kadaot. Karuyag ko kamo tagan hin kabubuwason ngan hin paglaom. Ngan matawag kamo ha akon ngan madaop ngan mag-aampo ha akon, ngan mamamati ako ha iyo.’”​—Jeremias 29:11, 12.

  “Magin duok ha Dios, ngan magigin duok hiya ha iyo.”​—Santiago 4:8.