Mahimo Ka Magpahimulos han mga Bendisyon han Dios
Karuyag mo ba mag-ukoy ha kalibotan nga waray na girra, kamadarahog, ngan kasamok?
Naghihingyap ka ba nga mawara na an sakit, pag-antos, ngan kamatayon?
Karuyag mo ba nga mawara na an ngatanan nga kabaraka?
Naghihingyap ka ba mag-ukoy ha usa nga lugar nga waray na kalamidad?
An aton mahigugmaon nga Dios, an naghimo han aton maopay nga planeta, nagsaad nga bibendisyonan niya an mga tawo hin mamurayawon ngan malipayon nga kinabuhi ha waray kataposan. Diri ito kay inop la.
Ha masunod nga mga artikulo, gin-aaghat ka namon nga usisahon:
Kon ano kahinigugma han Dios an mga tawo
Kon ano an mensahe han Dios para ha aton
Kon ano an ginsiring han mga propeta han Dios mahitungod ha iya iginsaad nga mga bendisyon
Kon ano an aton puydi buhaton basi magin malipayon yana ngan makarawat an waray kataposan nga mga bendisyon han Dios
Siyahan, usisahon naton kon ano kadaku an gugma han Dios para ha mga tawo.
