Ekelesiasi 1:1-18
1 Koʼeni te ʼu palalau ʼa te tagata tanaki,+ foha ʼo Tavite, hau ʼi Selusalemi.+
2 “Vaʼiganoa ʼosi!” ko te ui ʼaia ʼa te tagata tanaki,“Vaʼiganoa ʼosi! ʼEi, ko meʼa fuli ʼe vaʼiganoa!”+
3 Kotea ʼae ʼe maʼu e he tahiʼI tana gaue kinakina ʼi te kele?*+
4 ʼE puli he taʼiake pea ʼe haʼu he tahi taʼiake,Kae ʼe tuʼu pe te kele ia ʼo talu ai.+
5 ʼE hopo ake* te laʼa, ʼe to te laʼa,Pea ʼe toe liliu fakavilivili ki te potu ʼae ʼe toe hopo ake ai.+
6 ʼE agi te matagi ki te potu saute pea ʼe toe liliu ki te potu noleto.ʼE toe maliu tuʼumaʼu ʼo agi mai tona tuʼuʼaga mahani.
7 ʼE alu fuli te ʼu vai tafe ki te tai, kae ʼe mole pe la fonu te tai ia.+
Pea ʼe toe liliu te ʼu vai tafe ki tonatou tuʼuʼaga mahani ʼo toe mapuna mai ai.+
8 ʼE fakapiko ia meʼa fuape,ʼE mole feala tona lau fuli.
ʼE mole fiu te mata ʼi te sioMo te taliga ʼi te logo.
9 Ko te meʼa ʼae ʼi muʼa, ko ia ʼae ʼe toe maʼu anai,Pea ko te meʼa ʼae neʼe fai ʼi muʼa, ko ia ʼae ka toe fai anai.ʼE mole he meʼa foʼou ʼi te kele.+
10 ʼE ʼi ai koa he meʼa ʼe feala ke tou ui: “Koʼeni, ko he meʼa foʼou”?
Neʼe kua maʼu ia talu mai fualoa,Neʼe kua maʼu ia ʼi muʼa ʼo totatou temi.
11 ʼE mole manatuʼi e he tahi te hahaʼi ʼo te temi muʼa.ʼE mole toe manatuʼi anai mo natou ʼae ka hoa mai,Pea ʼe mole toe manatuʼi anai ia natou ʼaia e te hahaʼi ʼae ka muli mai.+
12 Ko au te tagata tanaki, neʼe au hau ki Iselaele, ʼi Selusalemi.+
13 Neʼe au ako fakamalotoloto mo sivi fakapotopoto+ te ʼu meʼa fuli ʼae neʼe fai ʼi te kele,+ ko tona fakaʼuhiga, te ʼu gaue vaʼiganoa ʼae neʼe foaki e te ʼAtua ki te ʼu foha ʼo te tagata, ʼo natou maʼumaʼua ai.
14 Neʼe au sio ki te ʼu gaue fuli ʼae neʼe fai ʼi te kele,Pea koʼeni, ʼe vaʼiganoa ia meʼa fuli, ʼe hage pe ko te tuli ʼo te matagi.+
15 Ko te meʼa ʼae ʼe piko ʼe mole toe feala ke fakatotonuPea ko te meʼa ʼae ʼe puli ʼe mole feala ke toe lau.
16 Koia neʼe au ui ai ʼi toku loto: “Koʼeni neʼe lahi te poto ʼae neʼe au maʼu, ʼo au poto age au ia natou fuli ʼae neʼe mumuʼa ʼi Selusalemi,+ pea kua lahi te poto mo te ʼatamai malama ʼae kua au maʼu.”+
17 Neʼe au faiga malohi ke au iloʼi te poto, mo te vale uka pea mo te agavale.+ Maʼia mo taku faiga ʼaia, ko te tuli pe ʼo te matagi.
18 ʼE lahi te lotomamahi ʼi te lahi ʼo te poto,Koia ʼe lahi te mamahi ʼi te lahi ʼo te ʼatamai malama.+
