Sopo 17:1-16
17 “ ʼE mole kei ʼi ai hoku malohi, pea ʼe mole kei lahi ʼoku ʼaho.ʼE talitali mai te tanuma.+
2 ʼE takatakai au e te kau vava,+Pea ʼe tonu ke au sioʼi tanatou agatuʼu.
3 Fakalelei siʼou loto, fakapapau mai ʼe ke lagolago anai kia au.
Ko ai anai he tahi kehe ka tokoni mai?+
4 Koteʼuhi neʼe ke fufu te fakasiosio poto kia natou.+Koia ʼae ʼe mole ke tuku ai ke natou malo.
5 Ko ʼihi ʼe natou foaki he vahe ʼo ʼonatou koloa ki ʼonatou kaumeʼa,Kae ʼe nenefu te sio ʼo ʼanatou fanau ʼuhi ko tanatou fia kakai.
6 Neʼe ina fakaliliu au ko he tahi ʼe fehiʼaʼinaʼi e te hahaʼi,+Koia neʼe ʼanuhi ai toku fofoga.+
7 ʼE vaivai ʼoku mata ʼuhi ko te lotomamahi,+Pea ʼe pakoko ʼoku nima mo ʼoku vaʼe.
8 ʼE punamaʼuli te hahaʼi faitotonu ʼi tanatou sisio ki te meʼa ʼaia,Pea ʼe ita ia ia ʼae neʼe mole ina fai he meʼa ʼe kovi, ʼuhi ko te tagata ʼae ʼe mole fakaʼapaʼapa ki te ʼAtua.*
9 ʼE hoko atu pe te faitotonu ʼa te tagata faitotonu,+Pea ʼe toe malohi age te tagata ʼae neʼe mole ina fai he meʼa ʼe kovi.+
10 Kae ke kotou toe fihi mo au,Koteʼuhi neʼe mole au maʼu he tahi ʼe poto ia koutou.+
11 Kua ʼosi ʼoku ʼaho.+Ko ʼaku fakatuʼutuʼu mo te ʼu fakaʼamu ʼo toku loto, kua puli ia.+
12 ʼE natou ui tuʼumaʼu pe ko te poʼuli ʼe ko te ʼaho,Pea mo natou ui: ‘Kua ovi mai te mafoata, he ʼe kua fakapoʼuli.’
13 Kapau ʼe au talitali, ʼe liliu anai te Faitoka* ko toku nofoʼaga,+ʼE au folahi anai toku moeʼaga ʼi te fakapoʼuli.+
14 ʼE au kalaga anai ki te luo:*+ ‘Ko koe taku tamai!’
Ki te ʼugaga: ‘Ko koe taku faʼe mo toku tokolua!’
15 Kofea taku ʼamanaki?+
ʼE manatu koa he tahi ʼe ʼi ai he ʼamanaki kia au?
16 ʼE hifo* anai ki te ʼu matapa ʼo te Faitoka,*Moka tou hihifo fakatahi fuli ki te efu.”+
Nota
^ Peʼe “tagata aposita.”
^ Vakaʼi Te ʼu Kupu.
^ Peʼe “fale maka.”
^ Ko tona fakaʼuhiga, taku ʼamanaki.
^ Vakaʼi Te ʼu Kupu.
