ROMNHORÉ 03
E te dza ãma atsimidzadze Bíblia na.
Bíblia te watsuꞌu ropitsutu wẽ norĩ aptoꞌoré wab da duré te wama roti wẽ dzaꞌra wahöimanadzéb da. E te atsima ĩwẽ waihuꞌu da Bíblia te te ĩnharĩdzé hã. Tadzahã ãté waihuꞌu prã ti Bíblia hã. Bíblia ĩhöiwarobo ꞌrata nherẽ e tsada hã ĩꞌumnhatsi da hã ĩtsimiropitsutu norĩ na hã, duré ĩtsimiroti norĩ na hã. E wa dza tsadzei petse dzaꞌra ni Bíblia te te ĩnharĩdzé hã rowẽ na dahöimanadzém na ãhãna hã duré aptoꞌoré. Daꞌahö na te tsadze dzaꞌra ni. Bété a hã e ãne hã te dza ãma atsimidzadze.
1. E Bíblia te te ĩwatsuꞌudzé hã tô tsena ma tô watobro.
Bíblia te tinha romnhihötöꞌwa norĩ ãma hã te te ĩtsihötö dzaꞌra na hã ‘tsena rotidzé ĩꞌuwaibaba na.’ (Provérbios 22:21) Te watsuꞌu ĩꞌuptabi na rowatsuꞌu hã duré ĩꞌuptabi na ꞌre ĩhöimana dzaꞌra mono dzém na hã. (Tsõré na Lucas 1:3; 3:1, 2.) Rowatsuꞌu na romnhoréꞌwa norĩ hã duré dahöimanadzéb ꞌrata na romnhoréꞌwa norĩ hã tsena te watsuꞌu dzaꞌra Bíblia ĩꞌuwaibaba na te te ĩnharĩdzém na bötö norĩ ãma hã duré dahöiba norĩ na hã duré daro norĩ ãma hã, duré romhöimana norĩ ãma hã.
2. E marĩ wa, Bíblia hã umnhatsi di ꞌrata nherẽ.
Duréi nherẽ Bíblia te rowatsuꞌu tsiro dza ĩwatobrodzé, dama waihuꞌu õ nherẽ. Ãma ĩtsimiré, Bíblia te watsuꞌu ciência na tadzahã da te tsihötö wamhã daꞌahö na da te tsadze dzaꞌra õ di Bíblia te te ĩnharĩdzé hã ciência ãma. Tane nherẽ, ãhãna ciência te höiꞌré Bíblia te te ĩnharĩdzé ĩꞌuwaibaba na. Bíblia watsuꞌu hã ‘te dza õne uꞌö ꞌre höimana, ĩꞌuwaibaba na tsi, duré tsena na tsi’. — Salmo 19:9.
3. E marĩ wa, wa dza tsadzei petse dzaꞌra ni Bíblia te te ĩnharĩdzé hã aptoꞌoré wab da.
Bíblia nhimiropitsutudzé te natsi rowatsuꞌu tsiro “marĩ norĩ hã dzahadu ꞌre ĩwairébé mono õ na hã.” (Isaías 46:10 TNM) a (ꞌMadöꞌö ĩtsihötö ꞌrare piꞌreba.) Rowatsuꞌu ĩꞌahö norĩ ma tô tsihötö tsirõmo dzaꞌra ni Bíblia na wairébé õ ré. Bíblia na ma tô ãma rowatsuꞌu duré e niha dza wanhibötö na hã. Ãhã romnhoré na hã wa dza waihuꞌu dzaꞌra ni Bíblia nhimiropitsutudzém norĩ hã. Waihuꞌu wamhã Bíblia nhimiropitsutudzé hã ĩwatobrodzé hã te dza ãma atobꞌudzu!
WAIHUꞌU DURÉ
ꞌMadöꞌö Bíblia te te ĩꞌuparidzé ciência hã duré romnhoré na ĩtsimiropitsudu datobꞌudzudzé.
4. Ciência Bíblia dzarina te tihöiba
Duréi hã daꞌahö na te tsadze dzaꞌra ni Tiꞌa ĩtsahöpö marĩ te tihöiba te te ĩꞌupari na hã. ꞌMadöꞌö aba ĨROPODO.
Waihuꞌu ĩwatsuꞌudzé hã ĩtsihödö hã ĩhöiwarobo na Jó ãma hã 3.500 na wahu wana ré. Atsiré tsõré aba Jó 26:7 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ wa, Bíblia te te ĩnharĩdzé hã Tiꞌa hã “romnhiwatsi” ꞌre ĩhöimana mono na hã te ãma ꞌre datobꞌudzu dzaꞌra mono.
Daꞌahö na ma tô waihuꞌu wẽ dzaꞌra ni tã nebdzé watsuꞌu na 200 na wahu wana ré. Tadzahã ꞌmadöꞌö Bíblia duréi hawi te te ĩnharĩ hã. Atsiré tsõré aba Jó 36:27, 28 TNM. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E marĩ wa, tã nebdzé watsuꞌu te ãma ꞌre datobꞌudzu dzaꞌra mono.
-
Ãhã romnhihötö norĩ Bíblia ꞌre ĩtsõré hã e ma tô tsaꞌẽtẽ ãma atsimidzadzedzé hã.
5. Bíblia te watsuꞌu romhöimana ĩpire hã watobro wana ré
Atsiré tsõré aba Isaías 44:27–45:2 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ na Bíblia ma tô watsuꞌu Babilônia ĩtsiprubdzém na 200 na wahu watobro wana ré.
Rowatsuꞌu hã tsena te watsuꞌu Ciro Rotiꞌwa Pérsia hawi duré tite datsiꞌwapé ꞌmanharĩꞌwa norĩ te te ĩꞌuprotsi dzaꞌra na hã ꞌri ahö Babilônia na ĩtsitsi, 539 na wahum na Cristo wana ré. Ö te aimapa Babilônia wawi. Tawamhã õ norĩ hã ma tô ãma apa dzaꞌra ö na, ö ꞌré da. Taha parimhã ma tô atsitsi ꞌridawa wawẽ ĩtsitowa u hã. Ãne hã ma tô tsiwi tiꞌö Babilônia ropire ãna. Ãhãna hã 2.500 na wahu parimhã Babilônia nhiptiꞌai ãma hã dzahadu tsiprum haré te ꞌre höimana. ꞌMadöꞌö Bíblia te te ĩropitsutudzé hã.
Atsiré tsõré aba Isaías 13:19, 20 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E niha ãhã ropitsudu hã ma tô ãma uwaimra.
Ãhãna hã Babilônia tsiprum haré te ꞌre höimana Iraque ãma
6. Duréi nherẽ Bíblia ma tô oto watsuꞌu tsiro wanhibötö na dza ĩwatobrodzé hã
Bíblia hã te wama höiꞌré dzaꞌra bödö ‘robꞌrãtsudu’ ãma ꞌre ĩwahöimana dzaꞌra mono na hã. (2 Timóteo 3:1) ꞌMadöꞌö Bíblia te te ĩnharĩdzé hã wanhibötö norĩ ãma hã.
Atsiré tsõré aba Mateus 24:6, 7. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ Bíblia te tinha dza ĩwatobro na hã robꞌrãtsutu u hã oto romhutu wamhã.
Atsiré tsõré aba 2 Timóteo 3:1-5. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
Bíblia dzarina e niha dahöimanadzé hã robꞌrãtsutu u oto romhutu wamhã.
-
E ma norĩ hã dahöimanadzé te ĩꞌaꞌmadöꞌö mo.
NIꞌWAM NORĨ TE NHARĨ DZAꞌRA ÃNE: “Bíblia hã datsihawi robꞌrãꞌrada.”
-
E marĩ wa, tsada hã wa te ĩꞌumnhatsi dzaꞌra da hã Bíblia hã, e niha atsimirotsaꞌrada.
ĨWAIHUꞌUDZÉ HÃ
Rowatsuꞌu hã, ciência hã, duré ropitsutu norĩ Bíblia ꞌremhã te höiꞌré dzaꞌra ĩtsada na ãma ĩꞌatsimidzadze da Bíblia na.
Ãma aipoꞌre puꞌu
-
Bíblia nhimirowatsuꞌu norĩ, e tsena ma tô wairé.
-
E marĩ te höiꞌré Bíblia te te ĩꞌupari na hã ciência hã.
-
E te ãma atsimidzadze Bíblia te te ĩwatsuꞌu waihuꞌu petse na hã dza ĩwatobrodzé aptoꞌoré hã. E niha bö atsimirotsaꞌrada ãne.
TSÔ AIRĨTĨ DURÉ
E Bíblia ꞌremhã te tihöiba marĩ ciência dzarina ĩhöimana õ hã.
E marĩ te höiꞌré “robꞌrãtsudu” romhutu na hã.
ꞌMadöꞌö Bíblia nhimiropitsudu Grécia ãma ĩwatobro na hã.
ꞌMadöꞌö aibö Andreas na ĩtsitsi watsuꞌu hã. Bíblia nhimiropitsutu norĩ hã ma tô ãma tsaprĩ ĩtsimirotsaꞌrata na hã.
“Ĩ̱ma hã, Höimanaꞌuꞌö ꞌre höimana mono õ di aré” (Roꞌmadöꞌöꞌwa n.º5 2017 na)
a Ĩwatsuꞌudzé hã: Bíblia nhimiropitsutudzé hã te watsuꞌu Ropotoꞌwa nhimirowatsuꞌu dza ĩwatobro na hã.
