Hezekile 9:1-11
9 Wakhwaza ezindlebeni zam ngelizwi elikhulu, esithi: “Biza abo baza kusohlwaya esi sixeko, ngamnye enesixhobo sakhe sokutshabalalisa esandleni sakhe!”
2 Ndabona kusiza amadoda amathandathu evela kwicala legeyithi ephezulu+ ejonge ngasemntla, nganye inesixhobo sokukroboza esandleni sayo; yaye phakathi kwawo kwakukho enye indoda enxibe ilinen, inophondo lweinki lukanobhala* esinqeni sayo. Angena ke aza ema ecaleni kwesibingelelo sekopolo.+
3 Emva koko ubuqaqawuli bukaThixo kaSirayeli+ banyuswa basuswa kwiikherubhi obabusentla kwazo basiwa emgubasini wendlu,+ waza wabiza indoda enxibe ilinen nenophondo lweinki lukanobhala esinqeni sayo.
4 UYehova wathi kuyo: “Tyhutyha isixeko saseYerusalem, ubaphawule ebunzi abantu abancwinayo nabagcumayo+ ngenxa yazo zonke izinto ezenyanyekayo esixekweni.”+
5 Wathetha namanye ndisiva, wathi: “Sihambeni sonke isixeko emva kwayo nize nixabele. Malingabi nalusizi ilihlo lenu, ningabaveli.+
6 Bulalani indoda endala, umfana, intombi engazange yalala nandoda, umntwana omncinci nabafazi.+ Kodwa ze ningasondeli nakuwuphi na umntu onophawu.+ Nize niqale engcweleni yam.”+ Ngoko aqala ngabadala ababephambi kwendlu.+
7 Emva koko wathi kuwo: “Yingcoliseni le ndlu nize nigcwalise iiyadi ngabantu ababuleweyo.+ Hambani!” Ngoko aphuma aza abaxabela abantu besixeko.
8 Ngoxa ayexabela, mna ndishiyeke ndedwa, ndaqubuda ndaza ndathi: “Awu, Nkosi enguMongami Yehova! Ngaba uza kubatshabalalisa bonke abashiyekileyo kwaSirayeli ngoxa ukhuphela umsindo wakho kwiYerusalem?”+
9 Ngoko wathi kum: “Isiphoso sendlu kaSirayeli nekaYuda sikhulu, sikhulu kakhulu.+ Ilizwe ligcwaliswe kukuchithwa kwegazi,+ nesixeko sigcwele abantu abanamaqhinga.+ Kuba bathi, ‘UYehova ulishiyile ilizwe, uYehova akaboni.’+
10 Kodwa ilihlo lam alizukuba nalusizi; yaye andizukubavela.+ Imiphumo yezenzo zabo ndiza kuyizisa phezu kweentloko zabo.”
11 Emva koko ndabona indoda enxibe ilinen nenophondo lweinki esinqeni sayo, ibuya nelizwi elithi: “Ndenze yonke into ubundiyalele yona.”
Umbhalo osemazantsi
^ Okanye “inento yokufaka i-inki kanobhala.”
