IiNdumiso 80:1-19
Kumalathisi; mayidlalwe ngethi “iiNyibiba.” Isikhumbuzo. Eka-Asafu.+ Ingoma emnandi.
80 Sicela umamele Malusi kaSirayeli,Wena umkhokela njengomhlambi uYosefu.+
Qaqamba* wena uhlala etroneni entla* kweekherubhi.+
2 Wavuselele amandla akho,Phambi koEfrayim, uBhenjamin noManase;+Yiza usisindise.+
3 Owu Thixo, phinda usamkele;+Uze ubukhanyise ubuso bakho ukuze sisindiswe.+
4 Owu Yehova Thixo wemikhosi, kuza kude kube nini ungafuni nokuyibona* imithandazo yabantu bakho?+
5 Ubatyisa iinyembezi ngathi sisonka;Ubaseza iinyembezi ngendlela engathethekiyo.
6 Uvumela abamelwane bethu balwe ngathi;Iintshaba zethu ziqhubeka zikhwela zizehlela kuthi.+
7 Owu Thixo wemikhosi, phinda usamkele;Uze ubukhanyise ubuso bakho ukuze sisindiswe.+
8 Wawuthatha eYiputa umthi weediliya.+
Wagxotha iintlanga, waza wawutyala.+
9 Wawuvulela indawo,Zamila iingcambu zawo, wagcwala ilizwe.+
10 Iintaba zogqunywa ngumthunzi wawo,Nemisedare kaThixo ngamasebe awo.
11 Amasebe awo ayede afike elwandle,Namasetyana awo efika eMlanjeni.*+
12 Uzidilizele ntoni iindonga zamasimi eediliya,+Njengokuba ngoku abantu abadlula ngendlela bezinceda ngeziqhamo zawo?+
13 Uvuthululwa ziingulube,Neenyamakazi ziyawubhuqa.+
14 Owu Thixo wemikhosi, sicela ubuye.
Jonga usezulwini uze ubone!
Wukhathalele lo mthi,+
15 Isikhondo esityalwe sisandla sakho sasekunene,+Uze umjonge unyana owamomeleza* ngokwakho.+
16 Ugawulwe waza watshiswa.+
Abantu bayatshabalala usakubakhalimela.*
17 Akwaba isandla sakho singayixhasa indoda engasekunene kwakho,Unyana womntu ozomelezele yena.+
18 Xa kunjalo, asizukukushiya.
Sigcine siphila, ukuze sikwazi ukukhalela egameni lakho.
19 Owu Yehova Thixo wemikhosi, phinda usamkele;Ubukhanyise ubuso bakho ukuze sisindiswe.+
Umbhalo osemazantsi
^ Okanye “Bonakalisa ukuqaqamba kwakho.”
^ Okanye kusenokwenzeka, “phakathi.”
^ Ngokoqobo, “ikucaphukisa.”
^ Oko kukuthi, kumEfrate.
^ Okanye “ulijonge isebe owalomeleza.”
^ Ngokoqobo, “ngokukhalima kobuso bakho.”
