Yobhi 12:1-25
12 UYobhi waphendula wathi:
2 “Abantu nini kaloku,Xa ningekho nina bungaphela ubulumko!
3 Kodwa ke nam ndinengqondo* njengani.
Anindodluli nganto.
Ngubani ongazaziyo ezi zinto nithetha ngazo?
4 Ndiyinto yokuhlekisa koogxa bam,+Kuba ndifuna iimpendulo kuThixo.+
Kaloku umntu olilungisa nongasolekiyo uba yinto yokuhlekisa.
5 Umntu ongenazingxaki uyijongela phantsi intlungu;Ucinga ukuba ifanele abantu abangazinzanga.
6 Konwatyiwe kwiintente zootsotsi,+Nabo bacaphukisa uThixo bakhuselekile,+Abo babaphethe ngezandla oothixo babo.
7 Khawubuze izilwanyana, zikuxelele;Kwaneentaka zezulu, zikuchazele.
8 Buza umhlaba,* uza kukufundisa;Neentlanzi zolwandle ziza kukuxelela.
9 Yeyiphi phakathi kwezi engaziyoUkuba le nto yenziwe sisandla sikaYehova?
10 Ubomi bayo yonke into ephilayoNobabantu bonke busesandleni sakhe.+
11 Indlebe ayiwavavanyi na amazwiNjengokuba nolwimi lungcamla* ukutya?+
12 Ubulumko abufunyanwa kubantu abadala na?+Ulwazi lona, aluzi nokuphila ubomi obude na?
13 UThixo unobulumko namandla;+Unolwazi ibe uza kukwenza ukuthanda kwakhe.+
14 Into edilizwe nguye ayinakuphinde yakhiwe;+Ukuba uvalile akukho mntu unokuvula.
15 Uthi akuwabamba amanzi, kome yonk’ into;+Athi akuwakhupha, agcwale umhlaba wonke.+
16 Nguye onamandla nobulumko;+Ngowakhe umntu olahlekayo nolahlekisayo;
17 Abacebisi ubahlazisa ngokubenza bahambe benganxibanga ezinyaweni,Abenze izidenge abagwebi.+
18 Uyazikhulula iintambo ezibotshwe ngookumkani,+Aze bona ababhinqise ibhanti lobukhoboka.
19 Ababingeleli ubahlazisa ngokubenza bahambe benganxibanga ezinyaweni,+Aze ababhukuqe abo bangagungqiyo kwizikhundla zabo;+
20 Ubenza baphelelwe ngamazwi abacebisi abathenjiweyo,Aze awenze aphelelwe bubulumko amaxhego;*
21 Uhlaza izikhulu,+Abenze buthathaka abanamandla;
22 Utyhila izinto ezinzulu ezisebumnyameni,+Azise ithunzi elimnyama ekukhanyeni;
23 Unika iintlanga amandla, esenzela ukuzitshabalalisa;Ukhulisa iintlanga, akugqiba azise ekuthinjweni.
24 Uzohlutha ubulumko* iinkokheli zabantu,Ababhadulise enyanyeni, apho kungekho ndlela.+
25 Baphuthaphutha ebumnyameni,+ apho kungekho kukhanya;Ubabhadulisa okwamanxila.+
Umbhalo osemazantsi
^ Ngokoqobo, “ndinentliziyo.”
^ Okanye kusenokwenzeka, “Thetha nomhlaba.”
^ Ngokoqobo, “inkalakahla ingcamla.”
^ Okanye “abadala.”
^ Ngokoqobo, “intliziyo.”
