Iimpendulo Zemibuzo YeBhayibhile
Kusinceda ngantoni ukufa kukaYesu?
Xa uThixo wayedala abantu, wayefuna baphile ngonaphakade emhlabeni bengaguli okanye bafe. Noko ke, umntu wokuqala uAdam akazange amthobele uMdali, ngaloo ndlela waphulukana nethemba lokuphila ngonaphakade. Ekubeni siyinzala ka-Adam siyafa. (Roma 5:8, 12; 6:23) UThixo oyinyaniso uYehova wathumela uNyana wakhe uYesu apha emhlabeni ukuze asifele, aze abuyisele oko salahlekelwa kuko ngenxa ka-Adam.—Funda uYohane 3:16.
UYesu wafa ukuze abantu bafumane ubomi obungunaphakade. Xa ucinga, bekunokuba njani ukuphila ngonaphakade emhlabeni?
Ukufa kukaYesu kwenza sikwazi ukuxolelwa izono, nokuba sikwazi ukufumana ubomi obungunaphakade. IBhayibhile isenza sibe nombono wokuba buza kuba njani ubomi emhlabeni xa sele singasaluphali, sigule size sife.—Funda uIsaya 25:8; 33:24; ISityhilelo 21:4, 5.
Simele sikukhumbule njani ukufa kukaYesu?
Ngengokuhlwa yangaphambi kokuba afe, uYesu waxelela abalandeli bakhe ukuba benze isikhumbuzo sokufa kwakhe. ISikhumbuzo sokufa kukaYesu esenziwa nyaka ngamnye sisinceda sicingisise ngendlela uYesu noYehova ababathanda ngayo abantu.—Funda uLuka 22:19, 20; 1 Yohane 4:9, 10.
Kulo nyaka, iSikhumbuzo sokufa kukaYesu siza kuba ngoMvulo, Aprili 14, emva kokutshona kwelanga. AmaNgqina kaYehova ayakumema ukuba ubekho.—Funda amaRoma 1:11, 12.
Mhlawumbi Ungayithanda Nale
INKCAZELO ENGAKUMBI NGATHI
ISikhumbuzo Sokufa KukaYesu
AmaNgqina kaYehova akumemela kwiSikhumbuzo Sokufa KukaYesu ngoAprili 12, 2025.
IMIBUZO YEBHAYIBHILE IYAPHENDULWA
Kwakutheni Ukuze UYesu Afe?
Abantu abaninzi baqhelene nemfundiso yokuba uYesu wafa ukuze siphile. Kodwa ukufa kwakhe kusinceda njani?
IMIBUZO YEBHAYIBHILE IYAPHENDULWA
UYesu Uyasindisa—Njani?
Kutheni sidinga uYesu ukuba asithethelele? Ngaba siza kusindiswa ngokukholelwa kuYesu qha?
