Imizekelo eseBhayibhileni enokunceda:

• Luk 20:37, 38—UYesu ucacisa ukuba uvuko yinto eza kwenzeka nakanjani kangangokuba abantu abaswelekileyo kufana nokuba basaphila kuThixo

• Yoh 11:5, 6, 11-14—UYesu ufanisa ukufa nokulala emva kokuba kusweleke uLazaro umhlobo wakhe amthandayo

• Heb 2:14, 15—Umpostile uPawulos ucacisa ukuba asifanelanga silawulwe kukoyika ukufa

 Imizekelo eseBhayibhileni enokunceda:

• IBhayibhile ithetha ngabantu abayi-9 abavuswayo, abayi-8 kubo bavuselwa apha emhlabeni. Ibali ngalinye laba bantu, linokumthuthuzela futhi limnike ithemba lexesha elizayo umntu osentlungwini yokuswelekelwa ngumntu amthandayo

  • 1Ku 17:17-24—Umprofeti uEliya uvusa unyana womhlolokazi waseTsarefathi, idolophu yaseSidon

  • 2Ku 4:32-37—Umprofeti uElisha uvusa inkwenkwe kwidolophu yaseShunem aze ayibuyisele kubazali bayo

  • 2Ku 13:20, 21—Indoda esanda kusweleka iyavuka xa isidumbu sayo sichukumisa amathambo kamprofeti uElisha

  • Luk 7:11-15—Kwisixeko saseNayin, uYesu umisa umngcwabo ukuze avuse unyana womhlolokazi

  • Luk 8:41, 42, 49-56—UYesu uvusa intombazana kaYayiro, igosa lendlu akhonzela kuyo amaYuda

  • Yoh 11:38-44—UYesu uvusa umhlobo wakhe amthandayo uLazaro, ambuyisele koodadewabo, uMarta noMariya

  • IZe 9:36-42—Umpostile uPetros uvusa uDorkas, umKristu owaziwa ngokwenzela abanye izinto ezintle

  • IZe 20:7-12—Umpostile uPawulos uvusa umfana onguYutiko, osweleke emva kokuwa efestileni

• UYesu Kristu uvuselwa kubomi bokungafi engumntu ongumoya, nto leyo eqinisekisa ukuba zonke izinto zexesha elizayo esizithenjiswayo ziza kwenzeka

  • IZe 17:31; 1Pe 3:18

• UYesu ungowokuqala ukuvuselwa ezulwini aze enziwe angabi nakufa kodwa akangowokugqibela; abalandeli bakhe abayi-144 000 nabo bavuswa ngolo hlobo

  • 1Ko 15:20, 23, 51-53; 1Te 4:16, 17; ISi 14:1