1. მიწისძვრეფ

„იჸუაფ დიდ მიწისძვრეფ“ (ლუკა 21:11).

● ჰაიტის მოხვალამირ მიწისძვრაშ დროს ვინიქ, ნამუთ წარმოწანერ დო გვერდ რდუ, ჸუდეშ აკოცუმაშ დროს ქეთაჸუნ. ჟურნალისტეფქ, მით გადაცემაშო რეპორტაჟის ამზადენდეს თიშ კუსაფ ქიგეგონეს. ვინიქ გეგნუსქიდ მიწისძვრას, მარა თიშ მშობლეფქ დოღურეს.

მუს ოძირანს თე ფაქტეფ? 2010 წანას ჰაიტის მოხვალამირ 7 ბალიან მიწისძვრაშ შედეგო 300000-შე მეტ კოჩიქ დოღურ დო 1,3 მილიონ კოჩიქ ჸუდეს უმშო ქუდოსქიდ. თეცალ ძალიერ მიწისძვრა ჰაიტიშო პირველ ვარდჷ. 2009 წანაშ აპრილშე მოჸუნაფილ 2010 წანაშ აპრილშახ არძაშ უნაკლებაშ 18 ძალიერ მიწისძვრაქ მოხვად.

გავრცელებურ შეხედულება. ოხოლენ წანეფიშ გინაწონს ამდღა უმოს მიწისძვრეფ ვა რე. უბრალოთ თანამედროვე ტექნოლოგიეფიშ საშვალებათ მიწისძვრეფიშ გურშენ ამდღა უმოსო ბგებულენთ, ვინემ ულირს.

ქორენო თე შეხედულება მართალ? დეფიქრით: ბიბლია ყურადღებას ვამახვილენს, მუსხი მიწისძვრა მოხვადუდ ბოლო დღალეფს. მარა თინა იჩიებ, „დიდ მიწისძვრეფიშ“ გურშენ, ნამუთ „მინ ართ დო მინ მაჟია ადგილს“ იჸუაფუდ. ზუსტას თე სიტყვეფიშ შესრულება რე თოლშამალაფარ ამდღარ დროს (მარკოზი 13:8; ლუკა 21:11).

თქვა მუჭო ფიქრენთ? ართალო ხვადუნო დიდ მიწისძვრეფ, მუჭოთ თენა ბიბლიას რე ნაწინასწარმეტყველებ?

ხვალე მიწისძვრეფ ვა რე თიშ ნიშან, ნამდა ბოლო დღალეფს ფცხოვრენთ. თენა ართ-ართ რე თი წინასწარმეტყველებეფშე, ნამუთ ამდღა ისრულებ. მორთ გუვარჩუათ მაჟია წინასწარმეტყველება.

[ჩანართი 4 გვერდის]

„ჩქი [გეოფიზიკოსეფ] თენეფს დიდ მიწისძვრეფს ვუძახუთ დო შხვეფ — აკმარღვაფალს უძახნა“ (კენ ჰადნატ, შეერთებულ შტატეფიშ გეოლოგიურ სამსახურ).

[სურათიშ საავტორო უფლება 4 გვერდის]

© William Daniels/​Panos Pictures