RAHA MAVENTY: MATOA ANAO MAMPIASA TRANONKALA TY NDREKY/NA MANDEFA FAN̈AZAVAN̈A MOMBA OLO ARAIKY, DIKANIZEN̈Y IKENAO FA FAN̈AZAVAN̈A AMEZANAO MOMBA OLO IO AZONAY KARAKARAIN̈Y MIFAN̈ARAKA AMY RAHA VOLAN̈INY AMY FIFAN̈IKIAN̈A MOMBA RAHA SEKIRE ATO NDREKY MIFAN̈ARAKA AMY LALÀN̈A MOMBA FAN̈AZAVAN̈A MIKASIKY OLO MANOKAN̈A.

Fifan̈ikian̈a Momba Raha Sekire

•  Fan̈ajan̈a Sekire

•  Mombamomba Pikarakara Fan̈azavan̈a

•  Fiarovan̈a Fan̈azavan̈a

•  Tsaiky Tsy Ampy Taon̈o

•  Tranonkala Miaraka Miasa Aminay

•  Filazan̈a Momba Fiovoany Fifan̈ikian̈a Ty

•  Script na JavaScript

Zahava Koa

• Fan̈ikiany Vavolombelon̈o Jehovah Tsy Han̈aboely Fan̈azavan̈a Amezanao

• Fifan̈ikian̈a Momba Fampiasan̈a Raha Mombamomba Anao

• Fifan̈ikian̈a Momba Fampiasan̈a Cookies Ndreky Teknolozy Miran̈a Aminany

Zahay hiaro ndreky han̈aja sekirenao. Hazavain̈y an̈aty Fifan̈ikian̈a ty ato fomba hikarakarany tranonkalanay iro fan̈azavan̈a momba anao, alainay aminao na alefanao aminay atỳ. Izikoa anao fa mitsidiky tranonkalanay, misy fan̈azavan̈a sasany tananay. Ikenay fa ten̈a mila hatao azo antoko fa voakajy tsarabe fan̈azavan̈a zen̈y, ndreky tokony hambaranay anao lan̈iany raha hampiasanay izio. Mety amezanao zahay raha mombamomba anao. Izikoa fa misy “mombamomba anao” na “momba anao” amy fifan̈ikian̈a ty ato, tafiditry amy zen̈y an̈aran̈anao, adiresinao na adiresy e-mail ampiasainao, nimerony telefoninao, na fan̈azavan̈a hafa ahaizan̈a anao. Lera anao mizaha pazy natao ninolo jiaby amy tranonkala ty ato, anao tsy irahan̈a man̈amia raha mombamomba anao eky. Tafiditry amy “tranonkala” zen̈y tranonkala ty ndreky tranonkala namanizio, karaha apps.pr2711.com, ba.pr2711.com, stream.pr2711.com, ndreky wol.pr2711.com.

Tran̈onkala ty niny Watchtower Bible and Tract Society of New York, Inc. (“Watchtower”). A New York an̈y misy fikambanan̈a io. Izio tsy fitadiavambola fa manohan̈a asany Vavolombelon̈o Jehovah ndreky asa fampianaran̈a Baiboly ataondro. Man̈eky raha volan̈iny Fifan̈ikian̈a ty anao matoa manapakevitry han̈abian̈a konty ato, han̈ano fan̈amezan̈a, hangataka vangian̈a, na han̈ano raha hafa mahavy anao man̈amia raha mombamomba anao. Ikenao koa izio hakajin̈a amy serveurs an Etazonỳ an̈y, baka io Watchtower ndreky fikambanan̈a namanizio manohan̈a Vavolombelon̈o Jehovah amy firenena samihafa mangala ndreky mikarakara baka io mamindra fan̈azavan̈a io, mifan̈araka amy raha nangatahinao. Fikambanan̈a arapivavahan̈a io miasa erantany hiarovan̈a fan̈azavan̈a azony io. Baka amy fikambanan̈a amy tany samifaha, karaha ataony fiangonan̈a, birony sampan̈a, na fikambanan̈a hafa niny Vavolombelon̈o Jehovah han̈anaovany zen̈y.

Pikarakara fan̈azavan̈a alefanao io miovaova arakaraka raha ataonao an̈aty tran̈onkala io ao. Ohatra, izikoa anao man̈amia fan̈amezan̈a niny fikambanan̈a amy firenena araiky, ho azony fikambanan̈a io an̈aran̈anao ndreky raha mombamomba anao. Ty koa misy ohatra hafa: Izikoa anao mangataka hianatra Baiboly, amian̈a birony sampan̈a antoeran̈a ndreky fiangonan̈any Vavolombelon̈o Jehovah hikarakara fangatahan̈anao io an̈aran̈anao ndreky fomba hifandraisan̈a aminao.

Mety hisy lalàn̈a hifehy fiarovan̈a fan̈azavan̈a amezanao karaha zen̈y amy tany misy anao ao. Han̈ampian̈a anao amy zen̈y, mety zahavanao amy Birô Miandraikitry Fiarovan̈a Fan̈azavan̈a adiresy mety hanoratan̈a, izikoa tihan̈ontany momba lalàn̈a amy tany misy anaro.

Ten̈a raha maventy aminay fiarovan̈a raha mombamomba anao io. Zahay mampiasa fomba fikajian̈a fan̈azavan̈a ndreky tekniky fiarovan̈a , amy zen̈y raha aby ty tsy ho hisy raha karaha ty: Raha mombamomba anao io hitanolo tsy nahazo lalan̈a, misy olo mampiasa izio amy raha ratsy, misy olo mizara izio aminolo hafa, misy man̈ova, misy mamafa amy fomba tsy aradalàn̈a, na very tsinia. Lan̈iany olo mikarakara raha mombamomba anao io na olo hafa irahinay mikarakara izio, tsy maintsy man̈aja fa sekire raha mombamomba anao io. An̈atiny fotoan̈a ilavan̈a izio hahitan̈a ino antony nangalan̈a fan̈azavan̈a raha mombamomba anao, na arakaraka raha takiny lalàn̈a mety hihatra, na koa arakaraka raha takiny programo pan̈ajary io fo han̈akajianay raha mombamomba anao.

Zahay mampiasa Transport Layer Security (TLS) izikoa fa han̈asitriky raha mombamomba anao io an̈atiny fotoan̈a hamindran̈a izy. Ordinatera ampiasainay sarotro idiran̈a, baka io mipetraka amy tany voambin̈y sady azo antoko fa misy koran fo. Olo aby mampiasa izio man̈araka tsara taridalan̈a apetrakanay. Tanjon̈onay hiaro sekire ndreky fanazavan̈a alefanolo aminay. Zahay man̈araka fepetra hentitry mare, amy zen̈y fan̈azavan̈a aby io tsy hitanolo tsy nahazo lalan̈a.

Izikoa anao mbala tsy ampy taon̈o amy firenena misy anao kanefa anao tihiditry amy tranonkalanay, anao tsy maintsy miaraka amy papanao na mamanao na olo mitahiza anao izikoa fa hampiditry raha mombamomba anao. Izikoa anao papa na mama na olo pitahiza, ke namezanao lalan̈a hampiditry raha mombamomba izy amy tran̈onkala io tsaiky tsy ampy taon̈o io, dikanizen̈y tsy maintsy ikenao fa Fifan̈ikian̈a ty mihatra amy fampiasany tsaiky io tran̈onkala io.

Ndraikindraiky, zahay mampiasa lien mandeha amy tran̈onkala hafa miaraka miasa aminay han̈anaovan̈a raha ninao (karaha ataony izikoa anao fa hameno fan̈azavan̈a baka aminy Internet). Direkty ho hainao fa anao io efa amy tran̈onkala hafa fotony hiova be poziny pazy io, baka io hiova koa adiresinany. Mety hahazo e-mail na mesazy baka amy tran̈onkala miaraka miasa aminay koa anao, arakaraka fan̈azavan̈a nangatahinao tamy tran̈onkala ty, an̈isanizen̈y fangatahanao handifasan̈a fampahafantaran̈a. Izikoa fa voafidy tran̈onkala hafa hiaraka hiasa aminay, arehan̈a maso tsarabe fifan̈ikian̈a momba sekire ndreky fiarovan̈a fan̈azavan̈a ampiasaindro, amy zen̈y mitovy amy ninay. Kanefa misy programo na tolotra amezandro tran̈onkala aby io, tsy miankin̈y aminay koa fomba fiasandro io, fifan̈ikian̈a momba fampiasan̈a izio ndreky momba raha sekire, baka io fifan̈arahan̈a aminy ankapobeny. Ke izikoa anao fa mampiasa programo na tolotra aby io, lan̈iany fifan̈ikian̈a na fifan̈arahan̈a apetrany tran̈onkala io mihatra aminao. Zahay tsy mahazo fan̈avazan̈a momba zen̈y ke zahay mandrisiky anao hamaky fifan̈ikian̈a ampiasaindro io alohany anao hampiasa tolotra io. Vakia koa toromariky mikasiky fomba fiasandro, izikoa misy raha tianao ho hay.

Hihatra aminao Google Fifan̈ikian̈a Momba Raha Sekire io. Izio fifan̈ikian̈a momba raha sekire amy Google, izikoa anao fa mampiasa Google Maps amy tran̈onkala ty ato. Google io tran̈onkala miaraka miasa aminay, kanefa programo ampiasainy ndreky fomba fiasany baka io Terms of Service, na fifan̈ikian̈a momba fampiasan̈a izy tsy miankin̈y aminay. Ke hihatra aminao Google Maps/Google Earth Additional Terms of Service, dikanizen̈y fifan̈ikian̈a fan̈ampiny momba fampiasan̈a Google Maps ndreky Google Earth, izikoa anao fa mampiasa Google Maps amy tran̈onkala ty ato. Zahay tsy mahazo fan̈avaozan̈a momba izio ke zahay mandrisiky anao hamaky iro fifan̈ikian̈a ampiasainy Google io, alohany hampiasanao Google Maps io. Izikoa tsy ikenao fifan̈ikian̈a aby io, anao kaza mampiasa Google.

Hatsarainay ndreky hampianay fo fomba fiasany tran̈onkala ty ndreky raha ho hita ato. Lalàn̈a ndreky teknolozy koa miova, ke ndraikindraiky, mety hiova koa fomba hikarakaranay fan̈azavan̈a amezanolo. Izikoa hita fa mila ivoan̈a Fifan̈ikian̈a ty. Hapetrakanay amy pazy ty ato raha zen̈y, amy zen̈y hainao fo karazan̈a fan̈azavan̈a halainay ndreky fomba hampiasanay izio.

Tran̈onkala ty mampiasa script baka han̈atsaran̈a fomba fiasany ndreky han̈ampian̈a anao hahazo fan̈azavan̈a malaky, fa tsy baka hamitrahan̈a programo aminy ordinateranao ao, na baka hangalan̈a fan̈azavan̈a tsy nazahoan̈a lalan̈a baka taminao.

Script na JavaScript amy programo izahavanao tran̈onkala ty tsy maintsy mandeha, zay vo handeha tsara aminy ordinateranao ao koa raha sasany ato. Ankamarozany programo fizahavan̈a Internet, man̈ambela anao hampandeha na tsy hampandeha script ndreky JavaScript izikoa anao fa mitsidiky tran̈onkala sasany. Izikoa tianao ho hay karakory atao mampandeha script amy tran̈onkala idiranao, zahava toromariky momba fampiasan̈a programo io.