AZA VÔLY MIAMBIN̈Y!
Nihen̈y 73% Isan’ny Biby An̈atiala Tan̈atin’ny 50 Taon̈o Zay—Ino Raha Koran̈in’ny Baiboly Momba Zen̈y?
Tamy 9 Oktobra 2024, nisy tatitry mampalôso diniky nataon’ny WWF (World Wildlife Fund). Irô nivolan̈a fa misy vokany mare amy biby aby an̈atiala an̈y zen̈y raha ataon’olombelon̈o. Avoakoran̈a tao koa fa “nihen̈y be isan’ny biby tavela, tan̈atin’ny 50 taon̈o zay (1970-2020). Amy ziôty, 25% fo tavela.” Karaha ty koa ho tatitry io: “Zahay masaky mivolan̈a fa arakarakan’ny raha miboaka an̈atin’ny dimy taon̈o fan̈araka, ny amarain’ny fiain̈ana ambony tany eto.”
Tsy bôriny olo koa mavozo, izikoa fa maharen̈y raha karaha zen̈y. Tiantsika mare baka planety tsara be ty, aviô tsy tiantsika mijaly foeky irô biby aby an̈atiala an̈y. Malahelo irô io atsika, fôtony an̈isan’ny antony niasan’ny Zan̈ahary atsika hikarakara irô.—Genesisy 1:27, 28; Ohabolana 12:10.
Ke anao mety han̈ontany: ‘Ho vitantsika ma hiaro irô raha miain̈y an̈atiala an̈y? Ino raha koran̈in’ny Baiboly momba zen̈y?’
Misy fan̈antinan̈a
Miankin̈y amy Zan̈ahary ny amarain’ny raha miain̈y an̈atiala an̈y. Ke atsika na mifen̈a karakôry hiaro irô, io tsy ho vitantsika. Baiboly efa nan̈ambara tsialohaloha amin’ny Apokalypsy 11:18, fa Zan̈ahary ‘handripaka lan̈iany olo mandrobaka tany ty.’ Mampianatra atsika raha aroe andininy io:
1. Zan̈ahary tsy han̈ambela olo handravan̈a tany ty.
2. Han̈ano raha Zan̈ahary tsy hoela. Akôry hahaizantsika zen̈y? Izikoa ampiran̈iny taloha ndreky iziôty, amy ziôty biby aby io ten̈a avozoan̈a ho lany taranaka, baka amy raha ataon’olo irô.
Ino amy zay raha handeha hataon’ny Zan̈ahary hamahan̈a problemo zen̈y? Hampiasa Fanjakan̈anany an-dan̈itry an̈y izy hitondra tany jiaby. (Matio 6:10) Lan̈iany olo man̈araka volan̈anany, hampianariny ndreky hampiofan̈iny hikarakara ndreky hiaro biby an̈atiala aby io.—Isaia 11:9.
Mety ho Tianao Koa
FAMPIANARAN̈A FOTOTRO AMY BAIBOLY
Ino ma Dikany Niasany Zan̈ahary Tany Ty?
Feno raha maro tsara tanintsika ty. Mety tsara elan̈elan̈a tany ndreky masoandra, pare tsara koa fitsikilan̈any, baka io mety tsara koa fiodikodin̈any. Ino nahavy Zan̈ahary nan̈ano raha jiaby zen̈y amy tany ty?
FAN̈ONTANIAN̈A VALIANY BAIBOLY
Tany ty ma Mbala ho Potiky?
Ho gaga anao koa mahita raha koran̈iny Baiboly.
FAMPIANARAN̈A FOTOTRO AMY BAIBOLY
Karakory ma Fanjakan̈any Zan̈ahary Zen̈y?
Tamy Jesosy tambony tany teto, raha momba Fanjakan̈any Zan̈ahary io raha ten̈a nampianariny. Rango efa ela, pianatranany mivavaka haviany Fanjakan̈a io.
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
