AJIMUCHE! Na. 1 2024 | Ligongo Chichi Ŵandu Ngakuchimbichisyana?
Masiku agano ŵandu ŵajinji ngakusiŵachimbichisya ŵane. Mwamti mundu pakwachimbichisya ŵane, ŵandu akusasimonga mnope.
Yayikutendekwa masiku agano yili yakuti ŵandu ŵajinji ngakusiŵachimbichisya achimjawo, achinangolo ŵawo, soni ŵakalambale. Jemanjaji ngakusiŵachimbichisyasoni ŵapolisi, mabwana gawo, soni achitichala ŵawo. Konjechesya pelepa, pamalo gakunguluchila ga pa intaneti, ŵandu akusaŵecheta yindu yejinji yakwanyosya ŵandu ŵane. Magasini jine jasasile kuti ndamo jangachimbichisya ŵane “jikutupilatupila mnope masiku agano . . . . mwamti ŵandu akulosya ndamoji kupundana ni kala kose.”—Jasasile myoyo magasini ja Harvard Business Review
Ligongo Chichi Ŵandu Ngakwachimbichisyaga Achimjawo?
Amanyilile ligongo lyakwe kwachimbichisya ŵane kuli kwakusosekwa soni yampaka atende kuti akomboleje kulosya ndamoji.
Ligongo Chichi Ŵandu Ngakusachimbichisya Umi?
Alole yajikusasala Baibulo yampaka yakamuchisye kuti awuwoneje umi wawo soni wa achimjawo kuŵa wakusosekwa mnope.
Ligongo Chichi Ŵandu Ngakuchimbichisyana M’maŵasa?
Liŵasa lililyose mpaka liŵe lyakusangalala naga wosope mwiŵasamo akusachimbichisyana.
Ligongo Chichi Ŵandu Ngakusaliwona Mwakuŵajilwa?
Baibulo mpaka jakamuchisye ŵandu kuti aliwoneje mwakuŵajilwa yampaka yakamuchisye kuti aŵeje ŵakusangalala soni kuti akalikayichilaga.
Ligongo Chichi Ŵandu Ngakuchimbichisyana?
Aŵalanje ngani syasikusala yakusosekwa kwakuchimbichisyana soni yakusatenda ŵa Mboni sya Yehofa pakwachimbichisya ŵane kulikose kwakusatamaga.
