Ŵandu ŵajinji pachilambopa nganakola yakulya nambosoni malo gakutama. Ŵandu ŵane akusadandawula pakwamba ya sogolo jawo. Mlungu akusasaka kuti twakamuchisyeje ŵandu ŵakusosechela chikamuchisyo. Naga tukutenda yeleyi Mlungujo chachitutendelasoni yindu yambone.

“Mundu jwakusiŵasalalila mtima ŵandu ŵakulaga, akusaŵa mpela akwakongosya Ambuje ligongo Ambujewo ni ŵitachim’wuchisya jwalakwe pa yindu yakwe yamboneyo.”—MISYUNGU 19:17.

Yesu jwasasile ngani ja mundu jujwaputidwe ni ŵachiswamba mpaka kusigala panandi kuwa. (Luka 10:29-37) Mundu jwine juŵaliji pa ulendo jwajimi nikumkamuchisya mundu juŵawulele ni ŵachiswambaju. Jwatesile yeleyi atamose kuti jwaliji jwa mtundu wine.

Mundu jwachanasaju ŵamkamuchisye mundu jwakuwulalaju mwachitema. Ŵamlipilile yindu yaŵasosechelaga soni ŵamlimbikasisye.

Ana tukulijiganya chichi panganiji? Pelepatu Yesu jwalosisye kuti, tukusosekwa kwakamuchisya ŵandu ŵakusosechela chikamuchisyo. (Misyungu 14:31) Maloŵe ga Mlungu gakusati pachangakaŵapa Mlungu tamasye usawuchi nambosoni yakusawusya yosope. Ana tayimasye chamtuli soni chakachi? Mungani jakuyichisya, chitulole yindu yambone yichachitutendela Mlungu jwetu jwachinonyelo.