Kwawula pasogolo kwa yindu yakupanganyapanganya yasambano cikujendelecelepe. Nambo ana yeleyi yikulosya kuti ŵandu cacipakombola kutama mwakunonyelana jwine ni mjakwe? Iyayi. Lelo jino, cilambo capasi citupile ni ŵandu ŵakulinonyela, soni ŵakutunduka. Nambo Mlungu akwete cakulinga cambone cakwamba ya ŵandu.—Aŵalanje 2 Petulo 3:13.

Maloŵe ga Mlungu gakusasala yakuti kusogoloku ŵandu cacitama mwakunonyelana jwine ni mjakwe. Ŵandu cacitama mwamtendele soni pangali jwine jucacawulasya.—Aŵalanje Mika 4:3, 4.

Mlungu ŵampanganyisye mundu jwandanda kuti apakomboleje kwanonyela ŵane. Nambo ligongo lyakuti mundujo jwalisagulile jika kuti akapikanila Mlungu, ŵajasile upile wakuŵa jwamlama. Atamose yili m’yoyo, Mlungu cacimkamulicisya masengo Yesu kuwucisya umlama kwa ŵandu.—Aŵalanje Aloma 7:21, 24, 25.

Mwakamulana ni lisosa lya Mlungu, Yesu ŵawile mpela mbopesi ni cakulinga cakumasya yakuyicisya ya ungapikanila wa mundu jwandandajo. (Aloma 5:19) M’yoyo, Yesu ŵakamucisye kuti ŵandu akole msogolo mwambone, ndaŵi jele ngasipapagwasoni kulinonyela.—Aŵalanje Salimo 37:9-11.