Baibulo jikusatusalila kuti tupelecheje mwakusaka kwetu nambosoni ni chakulinga chambone. Yikulosya kuti mtundu wakapeleche welewu ukusatendekasya mundu jwakuleka nambosoni jwakupochela kukola upile. (Misyungu 11:25; Luka 6:38) Yesu jwasasile kuti, “kupeleka kukusampa upile mundu kulekangana ni kupochela.”—Masengo 20:35.

•  Ana ni kupeleka kwatuli kukusamsangalasya Mlungu?

•  Ana ni kapeleche kapi kangamsangalasyaga Mlungu?

•  Yagakusasalaga mavesi ga m’Baibulo pa ngani ja yakupeleka

 Kupeleka kukusaŵaga kwakupindulisya naga tukupeleka mwakusaka kwetu. Baibulo jikusati, “Jwalijose apeleche mwakusachila mpela yiŵatite pakuganisya mu mtima mwakwe” ni yajikusalaga Baibulo, ngaŵaga kwine ali mkudandawula kapena kumkanganichisya, pakuti Mlungu akusamnonyela mundu jwakusapeleka mwakusangalala.”—2 Akolinto 9:7.

 Kupeleka mwakusachilila kutyochela mumtima jli mbali jimo jakusatenda ŵandu ŵali mu “dini jisyesyene” jakusajijitichisyaga Mlungu. (Yakobo 1:27) Myoyo mundu jwakusiŵakamuchisyaga ŵandu ŵakulaga yikusaŵaga kuti akumkamuchisya Mlungu, jwakusachiwona chikamuchisyo chelechi jili ngongole jwatumkongwesye jwalakwe. (Misyungu 19:17) Mwamti Baibulo jikusatujiganya kuti Mlungu chachawuchisya ŵandu ŵakusapelekaŵa.—Luka 14:12-14.

 Naga tukupeleka ni nganisyo syakulemweka. Mwambone:

•   Kupeleka kuti ŵandu atulapilileje.—Mateyu 6:2.

•   Kupeleka ni chakulinga chakuti tupate kanekakwe msogolo.—Luka 14:12-14.

•   Kupeleka kuti chitukulupuche.—Salimo 49:6, 7.

 Naga kupelekako kukamulana ni yindu yakusaŵengana nayo Mlungu. Mwachisyasyo, yili yakulemwecheka kumpa mundu mbiya kuti akachesele juga kapena kuti akakolelweje ni mkologo. (1 Akolinto 6:9, 10; 2 Akolinto 7:1) Nganiyiŵasoni yambone kumpa mbiya mundu jwakukana kukamula masengo kuti alikamuchisyeje jika.—2 Atesalonika 3:10.

 Nambi uli kupelekako kukulepekasya kumlepelekasya mundu kusamalila liŵasa lyakwe? Baibulo jikusasalaga kuti uli udindo wamtwe ŵaliŵasa kusamalila ŵamwiŵasa mwakwe. (1 Timoteo 5:8) Nganiluŵa lunda kwapa ŵandu ŵane chikamuchisyo pele ŵamwiŵasa mwakwe akulaga. Mwakulandanamo Yesu jwajamwiche ŵandu ŵaŵalepelaga kwakamuchisya achinangolo wawo ŵakalembale ni kutiga yakupeleka yawo yili yakuti ‘chapeleche kwa Mlungu.’—Maliko 7:9-13.