BAN’EN NRAYOG NI NGAN FIL
Dabin Rus u Nap’an ni Yibe Mada’nag e Togopuluw
Mu beeg e Jeremiah 38:1-13 ni ngam nang rogon ni dag Jeremiah ni profet nge Ebedmelek ndarur rusgow.
Mu fil boch ban’en ko thin ni bay u m’on ngu tomuren. Uw rogon ni dag Jeremiah nder rus ni nge machibnag e thin rok Jehovah? (Jer. 27:12-14; 28:15-17; 37:6-10) Mang e rin’ e piin ni machibnagrad?—Jer. 37:15, 16.
Mu fal’eg i gay murung’agen. Mang e baadag e girdi’ ni nge rin’ Jeremiah? (jr 26-27 ¶20-22) Mu gay murung’agen e pi luwed ni un fanay kakrom. (it-1 471) Ga be lemnag ma uw rogon laniyan’ Jeremiah u nap’an ni immoy u lan fare luwed nib sug e bar u t’ay? Mang e rayog ni i rus Ebedmelek ngay?—w12 5/1 31 ¶2-3.
Mu guy e n’en nrayog ni ngam fil riy. Mu fithem ni nge lungum:
-
‘Mang e be fil e re n’ey ngog u murung’agen rogon ni ma ayuweg Jehovah e pi tapigpig rok ni yad ba yul’yul’?’ (Ps. 97:10; Jer. 39:15-18)
-
‘Mang boch ban’en ni ma buch nra t’uf ni nggu dag riy nda gur rus?’
-
‘Mang e rayog ni nggu rin’ ya nge dab kug rus ni nggu rin’ e tin nib mat’aw u nap’an nug be mada’nag e togopuluw?’ (w11 3/1 30) a
a Mu guy e n’en bay ko fare thin ni “Ban’en Nra Ayuwegey ko Fol Bible” ni bay ko Fare Wulyang ko Damit ko July 2023 ni be weliy boch ban’en nrayog ni ngam fil u nap’an e fol Bible.
